މ.އަތޮޅުގައި އޮތް ލޯންޗެއް ވަގަށް ނަގައިގެން އެކަނި ދުއްވާފައި މާލެއަށް ދިޔަ 14 އަހަރުގެ ފިރިހެން ކުއްޖާ ހޯދާ އާއިލާއާއި ހަވާލުކޮށްފި އެވެ.
ފުލުހުން ވިދާޅުވީ މ.ދިއްގަރުގައި އޮތް ލޯންޗެއް ގެއްލިގެން ފުލުހުންނަށް ރިޕޯޓް ކޮށްފައިވަނީ އިއްޔެގެ ވަގުތެއްގައިކަމުގަ އެވެ. އަދި ވަގަށް ނަގާފައިވާ ލޯންޗު ހުޅުމާލެ އެމްޓީސީސީ ފެރީ ޓާމިނަލް ކައިރިން ފަޅުގައި އޮށްވާ ފެނިފައިވާކަމަށްވެސް ފުލުހުން ވިދާޅުވި އެވެ.
ފުލުހުން ވިދާޅުވީ މި ލޯންޗްގައި މާލެ އައިސްފައިވަނީ 14 އަހަރުގެ ފިރިހެން ކުއްޖެއް ކަމުގައެވެ. އަދި އެ ކުއްޖާ މިހާރު އާއިލާއާ ހަވާލުކޮށްފައިވާ ކަމަށްވެސް ފުލުހުން މައުލޫމާތުދެއްވައެވެ.
މީގެއިތުރުން އިއްޔެގެ ވަގުތެއްގައި ހުޅުމާލެ ފޭސް2 އިން 13 އަހަރުގެ އަންހެން ކުއްޖަކު ގެއްލިގެން ފުލުހުންނަށް ރިޕޯޓް ކޮށްފައިވާ ކަމަށްވެސް ފުލުހުންގެ އިދާރާއިން މައުލޫމާތުދެއްވަ އެވެ.
ފޭސް2 އިން ގެއްލިގެން ފުލުހަށް ރިޕޯޓުކުރި 13 އަހަރުގެ އަންހެން ކުއްޖާ ފެނިފައިވާ ކަމަށާއި އެ ކުއްޖާގެ ހާލުވެސް ރަނގަޅު ކަމަށް ފުލުހުން ވިދާޅުވި އެވެ.
