ސުނާމީ ކާރިސާއާއި ގުޅިގެން ރ.އަތޮޅު ކަނދޮޅުދޫ ރައްޔިތުން ދިރިއުޅެމުްނދާ އެއަތޮޅު ދުވާފަރު ނެރު ފުންކުރުމުގެ މަސައްކަތް ވަރަށް އަވަހަށް ފަށްޓަވާނެކަމުގެ ޔަޤީންކަން މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮންޕެނީ، އެމްޓީސީސީއިން ދެއްވާފައިވާކަމަށް ސިޓީތަކާއި އިދާރީ ދާއިރާތައް ހިންގުމާއި ޢާންމު މަސައްކަތްތަކާބެހޭ ވަޒީރު އާދަމް ޝަރީފް ޢުމަރު ވިދާޅުވެއްޖެއެވެ.
ސިޓީތަކާއި އިދާރީ ދާއިރާތައް ހިންގުމާއި ޢާންމު މަސައްކަތްތަކާބެހޭ ވަޒީރު އާދަމް ޝަރީފް ޢުމަރު ސޯޝަލް މީޑިޔާގައި ޙިއްޞާކުރެއްވި ޕޯސްޓެއްގައި ވިދާޅުވެފައިވަނީ ދުވާފަރުގެ ނެރު ތިލަވުމުގެ ސަބަބުން އެރަށަށް ލަފާ ފުރުމުގެ ދަތިކަން ވަރަށް ބޮޑަށް އެބައޮތް ކަމުގައެވެ. އެހެންކަމުން އެކަން ޙައްލުކުރުމަށް ސަރުކާރުން މަސައްކަތްތަކެއް ކުރަމުންދާކަމަށް ވަޒީރު ވިދާޅުވިއެވެ. އެގޮތުން ދުވާފަރުގެ ނެރު ފުން ކުރުމަށް އެމްޓީސީސީއާއެކު މަޝްވަރާކޮށްފައިވާކަން ވަޒީރު ފާހަގަކުރެއްވިއެވެ.
Dhuvaafaru neru thilavumuge sababun lafaafuran dhathivefaivaa massala hallu kurumah sarukaaruge faraathun @MoCLPmv in midhanee @MTCCPlc aaieku varah bodah masakkaiy kuramun.
Varah avahah e masakkaiy fesheynekamuge yaqeenkan MTCC ge MD Ahmed Saudhee @CEOMTCC vanee mirey… pic.twitter.com/rYgCfr8dQe— Adam Shareef Umar (@Adamshareefz) September 11, 2024
އާދަމް ޝަރީފް ވިދާޅުވީ، މި މަޝްވަރާތަކުގެ ތެރެއިން ދުވާފަރުގެ ނެރު ފުން ކުރުމުގެ މަސައްކަތް ވަރަށް އަވަހަށް ފެށޭނެކަމުގެ ޔަޤީންކަން، އެމްޓީސީސީގެ މެނޭޖިން ޑިރެކްޓަރ އަޙްމަދު ސަޢުދު ދެއްވާފައިވާ ކަމުގައެވެ.
ދުވާފަރު ކައުންސިލުން ހާމަކުރެއްވިގޮތުގައި އެ ރަށުގެ ނެރު ތިލަވުމުގެ ސަބަބުން މިމަހުގެ ތެރޭގައި 7 ބޯޓު ފަރަށް އަރާފައިވާ ކަމުގައެވެ. އަދި ސަރުކާރުން މިވަނީ ދުވާފަރު ނެރު ފުން ކުރުމުގެ މަސައްކަތް ވަރަށް އަވަހަށް ފަށާނެކަމުގެ ޔަޤީންކަން ދެއްވާފައިކަމަށްވެސް ހާމާކުރެއްވިއެވެ.
