ދިވެހި ފުލުހަކު ކުއްޖަކަށް ޖިސްމާނީ އަނިޔާވެދާނެ ޢަމަލެއްކޮށް، ބިރުދެއްކި ކަމަށް ތުހުމަތުކުރެވޭ މައްސަލައެއް ފުލުހުން ބަލަން ފަށައިފިއެވެ.
ފުލުހުން ހާމަކުރެއްވިގޮތުގައި 2025 ނޮވެމްބަރ 21 ވަނަ ދުވަހު ހަވީރު ގެ ވަގުތެއްގައި ސައުތު ސެންޓްރަލް ރީޖަންގައި ހިމެނޭ ރަށެއްގެ ފުޓްސަލް ދަނޑުގައި ކުޅެން އުޅުނު ކުދިން ތަކެއްގެ މެދުގައި އުފެދުނު ހަމަނުޖެހުމަކާ ގުޅިގެން، އެތަނުން ކުއްޖެއްގެ އާއިލީ މަސްލަހަތު އޮންނަ ފުލުހަކު، އެހެން ކުއްޖަކަށް ޖިސްމާނީ އަނިޔާ ވެދާނެ އަމަލެއް ކޮށް، ބިރުދައްކާފައިވާމަށް ތުހުމަތު ކުރެވޭ މައްސަލަ އެއް 2025 ނޮވެމްބެރް 22 ވަނަ ދުވަހު ފުލުހުއްނަށް ހުށަހެޅިފައިވާކަމުގައެވެ.
ފުލުހުން ވިދާޅުވީ މި މައްސަލައިގެ ޖިނާއީ ބައި ފުލުހުން ގެންދަނީ ތަޙްޤީޤް ކުރައްވަމުންކަމުގައެވެ. އަދި ފުލުހެއްގެ މައްޗަށް ތުހުމަތު ކުރެވޭ މައްސަލަ އަކަށް ވުމާއެކު އިދާރީ މައްސަލަ ޕްރޮފެޝަނަލް ސްޓޭންޑަރޑްސް ކޮމާންޑް އިން ދަނީ ބަލަމުން ކަމަށްވެސް ފުލުހުން ވިދާޅުވިއެވެ.
ފުލުހުން މިމައްސަލަ ތަޙުގީގު ކުރައްވަމުން ގެންދަވާއިރު މިމައްސަލައާއި ގުޅޭ އިތުރު އެއްވެސް މަޢުލޫމާތެއް އަދި މިހާތަނަށް ފުލުހުން ހާމަކުރައްވާފައެއް ނުވެއެވެ.
