ގެއްލިގެން ހޯދަމުންދިޔަ ޒުވާނާ ފެނިފައިވާ ކަމަށް ފުލުހުން ވިދާޅުވެއްޖެއެވެ. ގެއްލިގެން ހޯދަމުންދިޔައީ ހދ.ކުޅުދުއްފުށީ އުމުރުން 20 އަހަރުގެ ޒުވާނެކެވެ.
ފުލުހުން ވިދާޅުވި ގޮތުގައި މިމަހު 16 ވަނަ ދުވަހުން ފެށިގެން ހދ. ކުޅުދުއްފުށި / ރިންސޯ، އަބޫބަކުރު އިބްރާހީމް ވީނުވީ ތަނެއް ނޭގި ގެއްލިގެން އޭނާ ހޯދުމުގެ މަސައްކަތް ފުލުހުންދަނީ ކުރަމުންނެވެ. ނަމަވެސް އެ ޒުވާނާ ފެނިފައިވަނީ މިއަދު ހަވީރުގެ ވަގުތެއްގައި ކަމަށާއި އޭނާގެ ޙާލު ރަނގަޅު ކަމަށްވެސް ފުލުހުން ވިދާޅުވިއެވެ.
އާއިލާއިން ފުލުހުންނަށް މައުލޫމާތު ދިންގޮތުގައި ގެއްލުމުގެ ކުރިން މިކުއްޖާގެ ޚަބަރެއް އެންމެ ފަހުންވީއިރު އޭނާ ދިރިއުޅެމުންދިޔައީ ރައްޓެއްސަކާއެކު މާލޭގައެވެ.
ޒުވާން ފިރިހެން ކުއްޖަކު ގެއްލިގެން ހޯދަމުން އަންނައިރު، ރޭ ވަނީ ޢުމުރުން 13 އަހަރުގެ ފިރިހެން ކުއްޖަކު ރަހީނުކުރުމަށްފަހު އަނިޔާވެރިގޮތަކަށް މަރާލާފައި އެއްލާލާފައި އޮއްވާ ފެނިފައެވެ.
