އަޟްޙާ ޢީދު ބަންދާއި މިނިވަން ދުވަހުގެ ބަންދަށް ފަހު ދެން ސަރުކާރު ހުޅުވޭނީ އަންނަ އޯގަސްޓް މަހުގެ އެކެއް ވާ އާދީއްތަ ދުވަހު ކަމުގައި ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ހަމަޖައްސަވައިފި އެވެ.
ރައީސުލްޖުމްހޫރިއްޔާ މިގޮތަށް ހަމަޖައްސަވައިދެއްވާފައި ވަނީ އަޟްޙާ ޢީދާއި، މިނިވަން ދުވަހާ ގުޅިގެން ޗުއްޓީގައްޔާއި އަދި އެނޫން އެހެން ބޭނުންތަކުގައި ރަށުން ބޭރަށް ދާން ބޭނުންވާ މުވައްޒަފުންނަށް ދަތިތަކެއް ކުރިމަތިވެދާނެތީ، އެކަމަށް ލުޔެއް ދެއްވުމުގެ ގޮތުންނާއި، ބަންދު ދުވަސްތަކައް މެދުކެނޑުމެއް ނައިސް މުވައްޒަފުންނަށް ޗުއްޓީ ލިބޭގޮތަށް ހަމަޖައްސަވައި ދެއްވުމުގެ ގޮތުންނެވެ.
ރައީސް އޮފީހުން ހާމަކުރެއްވި ގޮތުގައި އަމްޙާ ޢީދާއި މިނިވަން ދުވަހުގެ ބަންދަށް ފަހު އަންނަ އޯގަސްޓުމަހުގެ އެކެއްވާ އާދީއްތަ ދުވަހު ސަރުކާރު ހުޅުވަން ހަމަޖެއްސެވުމާއި ގުޅިގެން މި ހިނގާ ޖުލައި މަހުގެ 28 ވާ ބުދަ ދުވަހާއި 29 ވާ ބުރާސްފަތި ދުވަހަކީވެސް ސަރުކާރު ބަންދު ދެ ދުވަސްކަމުގައި ރައީސުލްޖުމްހޫރިއްޔާ ވަނީ ހަމަޖައްސަވާފަ އެވެ.
މިކަން އިޢުލާނު ކުރައްވާފައި ވަނީ ރައީސުލްޖުމްހޫރިއްޔާގެ އޮފީހުން ނެރުއްވި ދެންނެވުމެއްގައި ކަމަށްވެސް ރައީސް އޮފީހުން ހާމަކުރައްވައެވެ.
