ޓްރީ ޓޮޕް ހޮސްޕިޓަލްގެ މެޑިކަލް ކޭމްޕެއް ބ.އަތޮޅު އޭދަފުށީގައި ބާއްވަން ނިންމައިފި އެވެ.
ރާއްޖޭގެ ގިނަ ބައެއްގެ އިތުބާރާއި ލޯބި ލިބިގެން ޒަމާނީ ފެންވަރަށް ޞިއްޙީ ޚިދުމަތް ފޯރުކޮށްދެމުން އަންނަ ޓްރީ ޓޮޕް ހޮސްޕިޓަލްގެ މެޑިކަލް ކޭމްޕެއް އޭދަފުށީގައި ބާއްވަން ނިންމައިފައިވާއިރު މިކޭމްޕް ފެށުމަށް ހަމަޖެހިފައިވަނީ އަންނަ ހުކުރު ދުވަހު އެވެ.
ޓްރީ ޓޮޕް ހޮސްޕިޓަލުން ހާމަކުރެއްވި ގޮތުގައި ދެ ދުވަހުގެ މުއްދަތަށް ކުރިޔަށް ގެންދިއުމަށް ހަމަޖެހިފައިވާ މިކޭމްޕަކީ ބ. އަތޮޅު ހޮސްޕިޓަލާއި ޓްރީ ޓޮޕް ހޮސްޕިޓަލާއި ގުޅިގެން ބ. އަތޮޅު ހޮސްޕިޓަލް ގައި ބޭއްވުމށް ހަމަޖެހިފައިވާ ކޭމްޕް އެކެވެ. މިކޭމްޕް ކުރިއަށް ދާނީ މިމަހުގެ 10 ން 11 އަށް ކަމަށް ވެސް ޓްރީ ޓޮޕުން ހާމަކުރައްވަ އެވެ.
ބ. އަތޮޅު ހޮސްޕިޓަލުން ހާމަކުރެއްވިގޮތުގައި ހިލޭ ޓެސްޓްތައް ހެދޭ ގޮތަށް ކުރިއަށް ގެންދާ މެޑިކަލް ކޭމްޕްގައި ކަށީގެ އޮޕަރޭޝަނަށް ޚާއްޞަ ޑޮކްޓަރުންގެ އިތުރުން ކުޑަކަމުދާ ނިޒާމުގެ ޙާއްޞަ ބަލިތައް ހުންނަ މީހުންނަށްވެސް ފަރުވާ ދެއްވާނެ އެވެ.
އޭދަފުށީގައި ފެށުމަށް ތައްޔާރުވަމުންދާ މި މެޑިކަލް ކޭމްޕްގައި ޓްރީ ޓޮޕް ހޮސްޕިޓަލުގެ ތަޖުރިބާކާރު ހަތަރު ޑޮކްޓަރަކު ބައިވެރިވެވަޑައިގަންނަވާނެކަމަށްވެސް އެ ހޮސްޕިޓަލުން ހާމަކުރައްވަ އެވެ.
ބ. އަތޮޅު ހޮސްޕިޓަލްގެ މެނޭޖަރު ހެލްތް ސާވިސް މުހައްމަދު ރަޝީދު ހާމަކުރެއްވި ގޮތުގައި ޓްރީ މެޑިކަލް ކޭމްޕުން ފަރުވާ ހޯދަން ބޭނުންވާ ފަރާތްތަކަށް އަތޮޅު ހޮސްޕިޓަލަށް ގުޅައިގެން ނަން ނޯޓް ކުރުމުގެ ފުރުޞަތު ވަނީ ހުޅުވައިލައްވާފަ އެވެ
