އަންނަ އާދީތަދުވަހުން ފެށިގެން ރާއްޖޭގައި ކޮވިޑްގެ ތިންވަނަ ޑޯޒް(ބޫސްޓާ ޑޯޒް) ދޭންފަށާނެކަމަށް އެޗްޕީއޭއިން ބުނެފިއެވެ.
އެޗްޕީއޭއިން ކުރި އިއުލާނެއްގައި ބުނެފައިވަނީ ކޯވިޑް ވެކްސިންގެ 2 ޑޯޒް ޖަހާފައިވާ މީހުންގެ ތެރެއިން ބަލިޖެހުން ނުރައްކާ ބޮޑު މީހުންނަށް ބޫސްޓަރ ޑޯޒްއެއް ދިނުމަށް ނިންމާފައިވާކަމަށެވެ. މި ގޮތަށް ނިންމާފައިވަނީ މޯލްޑިވްސް ޓެކްނިކަލް އެޑްވައިޒަރީ ގުރޫޕުން ލަފާދީފައިވާތީކަމަށެވެ. އަދި މިގޮތަށް ލަފާ ދީފައި ވަނީ މިކަމާ ބެހޭގޮތުން މިހާތަނަށް ކޮށްފައިވާ ދިރާސާތަކަށް ބެލުމަށް ފަހުގައިކަމަށް އެޗްޕީއޭއިން ވަނ ބުނެފައެވެ.
އެޗްޕީއޭއިން އިތުރަށް ބުނީ މިވަގުތު ވެކްސިންގެ އިތުރު ޑޯޒްގެ ގޮތުގައި ޖެހުމަށް ހަމަޖެހިފައިވަނީ ފައިޒާ ވެކްސިން ކަމަށާ، މި ޑޯޒް ޖަހާނީ ކޯވިޑް-19 ގެ އެއްވެސް ވެކްސިނެއްގެ ދެ ވަނަ ޑޯޒް ޖެހިފަހުން ހަ މަސް ދުވަސް ފުރިހަމަވެފައިވާ މީހުންނަށް ކަމަަށެވެ. އަދި ވެކްސިން ދިނުމުގައި 60 އަހަރުންމަތީގެ މީހުންނާއި ދިފާއީ ނިޒާމު ބަލިކަށި މީހުންނަށް އިސްކަންދޭނެކަމަށްވެސް އެޗްޕީއޭއިން ވަނީ ބުނެފައެވެ.
