މި މަހުގެ 1 ން 16 އަށް ރާއްޖޭގައި ކުޅެމުން އަންނަ ސާފް ޗެމްޕިއަންޝިޕް 2021 ގައި މާދަމާ ކުޅުމަށް ހަމަޖެހިފައިވާ ރާއްޖެ އާއި ބަންގްލަދޭޝް މެޗްގެ ޓިކެޓްޓިކެޓް ވިއްކަން ފެށިތާ 3 ގަޑިއިރުގެ ތެރޭގައި ބަންގްލަދޭޝް ސަޕޯޓަރުންނަށް ދީފައިވާ 20 އިންސައްތަ ޓިކެޓް ވަނީ ވިކި ހުސްވެފައެވެ. ހަ އެއާއިއެކު އިތުރަށް ޓިކެޓް ބެނުން ވާކަމަށް ބުނެ ބަންގްލަދޭޝް ސަޕޯޓަރުން ގަލޮޅު ދަނޑުކައިރީގައި ވަނީ އިހްތިޖާޖް ކޮށްފައެވެ. އަދި ސޯޝަލް މީޑިއާގައިވެސް އެވެރިން އަންނަނީ އަޑު އުފުލަމުންނެވެ.
އެއާއި އެކު ދެން ފެނިގެންދިޔައީ ޓިކެޓް ގެ ކަޅު ބާޒާރެވެ. އެގޮތުން ދިވެހިންނަށް ވިއްކުމަށް ކަނޑައެޅިފައިވާ ޓިކެޓް ބައެއް ދިވެހިން ގަނެ ނުއަގުގައި ދަނީ ވިއްކަމުން ނެވެ. އެގޮތުން 1500 ރުފިޔާ އާއި 2000 ރުފިޔާއަށް ދެމެދުގެ އަގުތަކެއްގައި ޓިކެޓް ދަނީ ވިއްކަމުންނެވެ.
ފުޓްބޯޅަ އެސޯޝިއޭޝަން އޮފް މޯލްޑިވްސް (އެފްއޭއެމް) ނެރުނު ބަޔާނެއްގައި ބުނެފައިވަނީ މި މުބާރާތައް ޤަވައިދު ހަދާފައިވަނީ ސާކް ގެ ހުރިހާ ގައުމުތަކެއްގެ މަޝްވަރާގެ މަތިން އެއްބަސްވެފައިވާ ގޮތަށްކަމަށާ އެގޮތުން ރާއްޖެ ކުޅޭ މެޗްތަކުގައި އަވޭ ޓީމަށް ވިއްކުމަށް ކަނޑައެޅިފައިވަނީ 20 ޕަސަންޓްގެ ޓިކެތް ކަމަށާ، އެއީ 200 ޓިކެޓް ކަމަށެވެ. އެހެންކަމުން ދިވެހި ސަޕޯޓަރުންނަށް ވިއްކުމަށް ކަނޑައަާފައިވާ ޓިކެޓަކަށް ބިދޭސީ ސަޕޯޓަރަކަށް ނުވަދެވޭނެކަމަށެވެ. ހަމަ އެގޮތަށް ބިދޭސީ ސަޕޯޓަރުންނަށް ވިއްކާ ޓިކެޓަކަށް ދިވެހި ސަޕޯޓަރުންނަށްވެސް ނުވަދެވޭނެކަމަށެވެ. އެހެންނަމަވެސް ކަޅު ބާޒާރުގައި ޓިކެޓް ވިއްކަމުން އަންނަ އަންނަކަމުގެ ޝަކުވާތައް އެ އެސޯސިއޭޝަން އަށް ލިބިފައިވާކަމަށެވެ.
އެފްއޭއެމްއިން އިތުރަށް ބުނީ ދުނިޔޭގެ ހުރިހާ ހިސާބެއްގައި ވެސް ހޯމްޓީމަށް ކުޅިބަލަން ވަނުމަށް ތަނަވަސް ފުރުސަތުތަކެއް ދޭކަމަށެވެ. އެގޮތުން އަވޭ ޓީމަށް ވިއްކަނީ މުބާރާތުގެ ޤަވައިދުގެ މަތިން ވަކި އިންސައްތައިގެ ޓިކެޓްކަމަށްވެސް އެފްއޭއެމްއިން ވަނީ ބުނެފައެވެ.
އެފްއޭއެމްގެ މި ބަޔަނާއިއެކު މުޅި ސޯޝަލް މީޑިއާގައި ބަންގްލަދޭޝް ގެ ސަޕޯޓަރުންނާއި ދިވެހި ސަޕޯޓަރުން ގެ މެދުގައި ބަހުގެ ހަމަލާތައްވަނީ ހޫނުވެފައެވެ. މިހެންމިކަން ވަމުން އަންނައިރު މާދަމަރޭގެ ސަލާމަތި ކަންކަމަށް ދިވެހި ފުލުހުން އިތުރަށް ތައްޔާރުވާން ޖެހޭނެކަމަށް ގިނަ ބަޔަކު އަންނަނީ ސޯޝަލްމީޑިއާގައި ބުނަމުންނެވެ.
