މިސްކިތަކަށް އަރާ މިސްކިތުގައި އޮތް ޚަތިމަކަށް ކުޅުޖެހި މީހަކު ފުލުހުން ހައްޔަރުކޮށްފިއެވެ.
ފުލުހުން ބުނީ މާލޭ އިބްރާހީމީ މިސްކިތަށް އަރައި، މުޞްޙަފަށް ކުޅުޖެހި މައްސަލައިގައި އުމުރުން 40އަހަރުގެ މީހަކު މިއަދު ހަވީރު 4 ޖަހާކަށް ހާއިރު ހައްޔަރުކޮށްފައިވާކަމަށާ، އެމައްސަލަ އިތުރަށް ބަލަމުންދާކަމަށެވެ.
ޚަތިމަށް ކުޅުޖައިގެން ހައްޔަރު ކުރި މީހާއަކީ މީގެ ކުރިން ރައީސް އޮފީސް ކައިރީގެ އިތުރުން އިސްލާމީ މަރުކަޒަށާ، ހުކުރުމިސްކިތަށް ކުޑަކަމުދިޔަ މީހާކަމަށް އިތުބާރު ހިފޭ ފަރާތަކުން ވަނީ މި ނޫހަށް މައުލޫމާތުދީފައެވެ. އެ މައްސަލާގައި މިމީހާ މިދިޔަ މަހުގެ 3 ވަނަ ދުވަހު ބަންދުކުރިއެވެ. އަދި ފުލުހުން މައްސަލަ ތަހުގީގުކުރުމަށްފަހު މިހާރުވަނީ ޕްރޮސެކިއުޓަރ ޖެނެރަލްގެ އޮފީހަށް ފޮނުވާފައެވެ.
