މައްސަދި ކަަމަކީ ބަންޑާރަ ތިޖޫރީގައި ހުންނަންޖެހޭ އެއްޗެއްކަން އެގިފައި ނުވާކަމަށް ޕީޕީއެމްގެ ނާއިބު ރައީސް އަދި ރައްޔިތުންމަޖިލީހުގެ ނައިޮފަރު ދާއިރާގެ މެންބަރު އަޙްމަދު ޝިޔާމް ވިދާޅުވެއްޖެއެވެ.
ޝިޔާމް މިހެން ވިދާޅުވީ ރައީސް ޔާމީން އަށް މަރުހަބާ ދެއްނެވުމަށް އިދިކޮޅުން ބޭއްވި ބިޔަބޮޑު ޖަލްސާއަށް ފާދު ވިދާޅުވެ ޓޫރިޒަމް މިނިސްޓަރ އަބްދުﷲ މައުސޫމް ދެއްކެވި ވާހަކަފުޅަށް ރައްދުދެއްވާ ކުރެއްވި ޓުވީޓެއްގައެވެ.
ރައީސް ޔާމީންގެ މައްޗަށް ކޮށްފައިވާ 5 އަހަރުގެ ޖަލުހުކުމުން ޕީޕީއެމް ޕީއެންސީ ގެ ފަރާތުން ހުކުރުދުވަހުގެ ރޭ ކާނިވާ ސަރަހައްދުގައި ވަނީ “ ރައީސް ޔާމިން އަށް މަރުހަބާ“ މި ނަމުގައި ބޮޑު ބިޔަ ޖަލްސާއެއް ބާއްވާފައެވެ. އެ ޖަލްސާއަށް މުޅި ކާނިވާ ސަރަހައްދު ވަނީ މީހުންޖަމާވެ ފުރާލާފައެވެ. އެކަމާއި ފާދުވިދާޅުވެ ޓޫރިޒަމް މިނިސްޓަރ އަބްދުﷲ މައުސޫމް ކުރެއްވި ޓޫވީޓްގައި ވިދާޅުވެފައިވަނީ ކޮރަޕްޓުވެފައިތިބި ފަރާތްތަކަށް ގަބީލާގަބީލާގެ ބޮޑުން ގުލްދަސްތާ ވެދުންކުރާނަމަ އެގައުމެއްގާ ކޮރަޕްޝަނަކީ އާދަކާދައަކަށްވެ، ގައުމުގެ މުއްސަނދިކަން ބަންޑާރަތިޖޫރިންބީވެ، ގައުމު ދަރަނިވެރިވެދާނެކަމަށެވެ. އަދި ރައްޔިތުން ބޮޑުތަނުން ފަގީރުވެ އަޅުވެތިވެދާނެކަމަށާ، ސިޔާސީބެރަށް ނެށުމުގެ ކުރިން މިކަންކަމަށް ރައްޔިތުން ވިސްނާ ފިކުރު ކުރަންޖެހޭކަމަށެވެ.
”ކޮރަޕްޓުފުޅު ފަރާތްތަކަށް ގަބީލާގަބީލާގެ ބޮޑުން ގުލްދަސްތާ ވެދުންކުރާނަމަ އެގައުމެއްގާ ކޮރަޕްޝަނަކީ އާދަކާދައަކަށްވެ، ގައުމުގެ މުއްސަނދިކަން ބަންޑާރަތިޖޫރިންބީވެ، ގައުމު ދަރަނިވެރިވެ، ރައްޔިތުން ބޮޑުތަނުން ފަގީރުވެ އަޅުވެތިވާނެ. ސިޔާސީބެރަށް ނެށުމުގެ ކުރިން ފިކުރުކޮށްލަމާ“ ޓޫރިޒަމް މިނިސްޓަރ: ޑރ.އަބްދުﷲ މައުސޫމް
މައުސޫމްއަށް ރައްދުދެއްވާ ޝިޔާމް ވިދާޅުވީ މުއްސަނދިކަމަކީ ބަންޑާރަ ތިޖޫރީގައި ހުންނަންޖެހޭ އެއްޗެއްކަމެއް ނުދެނަހުރިކަމަށެވެ. ސޯލިހު އަކީ ގަބީލާ ތަކުން ގުލްދަސްތާ އަރުވާވަރުގެ ވެރިއަކަށް ނުވާތީ އެފަދަ މަންޒަރެއް ނުފެންނާނެކަމަށާ، އެހެން ވުމުން ހިތްޕުޅަށް ތަދުވީތޯ ވެސް ވަނީ އައްސަވާފައެވެ.
”މުއްސަނދިކަމަކީ ބަންޑާރަ ތިޖޫރީގައި ހުންނަންޖެހޭ އެއްޗެއްކަމެއް ނުދެނަހުރިން. ކޮބައިތޯ ކީހާ ޅެން. ރައްޔިތުންގެ ޖީބަށް ޕައުންޑު ވައްދާ ނިމުނީތޯ. ސޯލިހު އަކީ ގަބީލާ ތަކުން ގުލްދަސްތާ އަރުވާވަރުގެ ވެރިއަކަށް ނުވާތީ އެފަދަ މަންޒަރެއް ނުފެންނަނީ. ހިތްޕުޅަށް ތަދުވާނެކަން އެނގޭ.“ :އެމްޕީ ޝިޔާމް
މީގެ އިތުރުން މިނިސްޓަރ ކަމާއި ހަވާލުވެ ޑރ މައުސޫމް ރައްޔިތުންގެ ޖީބަށް ޕައުންޑު ވައްދާނެކަމަށްވިދާޅުވި ވިދާޅުވުމަށް އިޝާރާތް ކުރައްވާ ޝިޔާމް ވިދާޅުވީ ރައްޔިތުންގެ ރައްޔިތުންގެ ޖީބަށް ޕައުންޑު ވައްދާ ނިމުނީތޯ. ސްލޯލިހު އަކީ ގަބީލާ ތަކުން ގުލްދަސްތާ އަރުވާވަރުގެ ވެރިއަކަށް ނުވާތީ އެފަދަ މަންޒަރެއް ނުފެންނަނީ ކަމަށާ އެކަމާ ހިތްޕުޅަށް ތަދުވާނެކަން އެގިވަޑައިނަވާކަމަށެވެ.
