ކޮވިޑުން ރައްކާތެރިވުމަށް ރާއްޖޭގައި މީހުން އެއްވާ ތަންތަނުގައި މާސްކް އެޅުން މަޖުބޫރުކޮށްފައި އޮތް އޮތުން ނިމުމަކަށް ގެނައުމާ ގުޅިގެން ހައި ރިސްކު ދަރިވަރުން ސްކޫލަށް ހާޒިރުވާއިރު މާސްކު އަޅުވާފައި ފޮނުވުމަކީ އެދެވިގެންވާ ކަމެއް ކަމުގައި އެޑިޔުކޭޝަން މިނިސްޓްރީން އިން ވިދާޅުވެއްޖެއެވެ.
މިގޮތަށް އެޑިޔުކޭޝަނުން ވިދާޅުވީ އެ އިދާރާ އިން ނެރުނު އިއުލާނެއްގައެވެ.
އެ އިދާރާ އިން ވިދާޅުވީ ސްކޫލަށް ކުދިން ހާޒިރުވާއިރު ވެސް މާސްކް އެޅުން މަޖުބޫރު ނޫންކަމަށާއި، އެކަމަކު ދަރިވަރާއި ބެލެނިވެރިޔާ ބޭނުން ނަމަ ދަރިވަރުން މާސްކް އަޅައިގެން ސްކޫލަށް ފޮނުވިދާނެ ކަމަށާއި ސްކޫލުގައި އުޅޭ ވަގުތުގައި މާސްކް އެޅުން މަޖުބޫރު ނޫނަސް ރައްކާތެރިކަމުގެ ފިޔަވަޅެއްގެ ގޮޮތުން ހުންބެލުމާއި، ގިނަގިނައިން އަތްދޮވުން ކުރިއަށް ގެންދާނެކަމަށެވެ.
ރާއްޖޭގައި މާސްކް އެޅުން މަޖްބޫރު ނޫންކަމަށް ނިންމާފައި މިވަނީ މާސްކް އެޅުން މަޖުބޫރު ކުރިތާ ދެ އަހަރަށް ފަހުގައެވެ.
