މާލޭގެ ގެއެއްގައި ހިނގި އަލިފާނުގެ ހާދިސާއެއްގައި އެ ގެއަށް ބޮޑެތި ގެއްލުން ތަކެއް ލިބިއްޖެ އެވެ.
މި ހާދިސާ ހިންގައި ގެއްލުން ލިބިފައިވަނީ މއ.މޯނިންވިއު ކިޔާ ގެއަކަށް ށެވެ.
އެމްއެންޑީއެފް އިން ވިދާޅުވީ އެމްއެންޑީއެފް ފަޔަރ އެންޑް ރެސްކިއު ސަރވިސްއަށް މި ހާދިސާ ރިޕޯޓްކޮށްފައިވަނީ ރޭ ފަތިހު 5:00 ހާއިރު ކަމަށާއި، އެވަގުތުން ފެށިގެން މާލެ ފަޔަރ ސްޓޭޝަންގެ ސިފައިންވަނީ ހަރަކާތްތެރިވާން ފަށާފައި ކަމުގަ އެވެ.
އެމްއެންޑީއެފް އިން ވިދާޅުވީ މެދުކެނޑުމެއްނެތި ފަޔަރފައިޓަރުން ކުރި މަސައްކަތުން 05:46 ހާއިރު ހާދިސާ ސްޓޭބަލްކޮށް، 07:40 ހާއިރު ވަނީ އެއްކޮށް ނިއްވާލާފައި ކަމުގަ އެވެ.
އެމްއެންޑީއެފް އިން ވިދާޅުވީ އަލިފާން ރޯވި ވަގުތު އެގޭގައި މީހުން ތިބިކަމަށާއި އަލިފާނުގެ ހާދިސާ ހިންގުމުން އެމީހުން އެތަނުން ބޭރަށް ނުކުމެފައިވާކަމުގަ އެވެ. އަދި ބޭރަށް ނުކުންނަށް އުޅުމުގެ ތެރޭގައި ބައެއް މީހުންނަށް އެކިވަރުގެ އަނިޔާވެފައިވާ ކަމަށްވެސް އެމްއެންޑީއެފް އިން ވިދާޅުވި އެވެ.
މި ހާދިސާ ހިނގުމާއި އެކު ޑިފެންސް މިނިސްޓަރ މަރިޔާ އަހްމަދު ދީދީ އެސަރަހައްދަށް ވަޑައިގެން ގެއްލުނު ލިބުނު މީހުންގެ ހާލުވަނީ ބައްލަވާފައެވެ. އަދި މާލޭ ސިޓީގެ މޭޔަރ ޑރ. މުހައްމަދު މުއިއްޒުވެސް ވަނީ އެ ސަރަހައްދަށް ވަޑައިގެން ގެއްލުން ލިބުނު މީހުންގެ ހާލު ބައްލަވާފައެވެ.
މި ހާދިސާގައި ގެއްލުންވި އާއިލާތައް މި ވަގުތު ވަނީ ގިޔާސުއްދީނަށް ސްކޫލަށް ބަދަލުކޮށްފައެވެ.
މި ހާދިސާގައި އެއްވެސް މީހަކަށް އަނިޔާއެއް ލިބިފައެއް ނުވެއެވެ. ނަމަވެސް އެ ފަންގިފިލާގައި ހުރި ބައެއް ތަކެއްޗަށް ވަނީ އެކިވަރުގެ ގެއްލުންތައް ލިބިފައެވެ.
މޯލްޑިވްސް ޕޮލިސް ސަރވިސް އިން ގެންދަނީ މި ހާދިސާ އިތުރަށް ތަހުގީގު ކުރަމުންނެވެ.
