ސިނަމާލެ ބުރިޖް ހައިވޭގައި ސައިކަލަކާއި، ފުލުހުންގެ ކާރެއް ޖެހި ނުރައްކާތެރި އެކްސިޑެންޓެއް ހިނގައިފި އެވެ.
ސިނަމާލެ ބުރިޖް ހައިވޭގައި މިއަދު ހެނދުނު ހިނގި މި އެކްސިޑެންޓްގައި ޖެހިފައިވަނީ މާލެއިން ހުޅުމާލެއަށް ދަތުރުކުރި ސައިކަލަކާއި، ފުލުހުންގެ ވެހިކަލެކެވެ.
ފުލުހުންގެ މީޑިއާ އޮފިޝަލަކު ވިދާޅުވީ، ބްރިޖް އެއާޕޯޓް ލައިޓް ކައިރީގައި ފުލުހުންގެ ކާރަކާއި ސައިކަލެއް ޖެހިގެން އެކްސިޑެންޓެއް ހިނގާފައިވާ ކަަމަށް މިއަދު 7:49 ހާއިރު ފުލުހުންނަށް ރިޕޯޓްކޮށްފައިވާ ކަމުގައެވެ.
ދައުރުވަމުން ދާ ވީޑިއޯއިން ފެންނަނީ ސައިކަލް ދުއްވި މީހާ ވެއްޓިފައި އޮއްވައެވެ. އެމީހާއަށް ލިބުން އަނިޔާގެ ތަފްޞީލެއް އަދި އެއްވެސް ފަރާތަކުން ހާމަކޮށްފައެއް ނުވެއެވެ. ނަމަވެސް މި އެކްސިޑެންޓުގައި އަނިޔާވި މީހާ މިހާރުވަނީ ވަނީ ހުޅުމާލެ ހޮސްޕިޓަލަށް ގެންގޮސްފައެވެ.
މި އެކްސިޑެންޓާ ގުޅިގެން ފުލުހުން ދަނީ ބަލަން ޖެހޭ ކަންކަން ބައްލަވަމުންނެވެ.
