ރިޔާސީ އިންތިހާބުގެ ދެވަނަ ބުރުގައި މުއިއްޒު ކުރި ހޯއްދަވާނީ ސީދާ 60 އިންސައްތައިން ކަމަށް ޕީއެންސީގެ ރައީސް އަދި ފޮނަދޫ ދާއިރާގެ ކުރީގެ މެމްބަރު އަބްދުއްރަހީމް އަބްދުﷲ (އަދުރޭ) ވިދާޅުވެއްޖެއެވެ.
ޝުކުރިއްޔާ ދިވެހިންގެ ނަމުގައި އާޓިފޝަލް ބީޗުގައި ބޭއްވި ބޮޑު އެއްވުމުގައި ވާހަކަ ދައްކަވަމުން އަދުރޭ ވިދާޅުވީ މި އިންތިހާބުގައި މިހާތަނަށް ޖެހި ފުރަތަމަ ހިސާބު ވެސް ދިމާވެފައިވާ ކަމަށާއި ކުރިއަށް އޮތް ދެވަނަ ބުރުގައި ވެސް އިންތިހާބު ކާމިޔާބު ކުރާނީ ދިވެހި ރައްޔިތުންގެ ތަނަވަސް ތާއީދާއިއެކު 60 އިންސައްތައަށް ވުރެ މަތިން ކަމަށެވެ.
މީގެ އިތުރުން އިންތިހާބުގެ ފުރަތަމަ ބުރުގައި ރައްޔިތުން ނިންމާފައިވަނީ މިސަރުކާރު ބަދަލު ކުރަން ކަމަށާއި މިސަރުކާރުން ވަނީ ދިވެހިންގެ މިނިވަންކަމަށް އަރައިގަނެ ރައްޔިތުން އަޅުވެތި ކޮށްފައި ކަމަށެވެ. އަދި ބޭރުގެ ސިފައިންނަށް މިފަސްގަނޑުން ޖާގަދީ، ރާއްޖޭގެ ކަނޑު ވިއްކާލައި ޤާނޫނާއި ޚިލާފަށް އެތައް ކަމެއް ކުރަމުންދާކަމަށް ވަނީ ތުހުމަތު ކުރައްވާފައެވެ.
އޭނާ އިތުރަށް އޭނާ ވަނީި މިސަރުކާރު ބަދަލުކޮށް މިނިވަންކަން ދެމެހެއްޓުމަށް ހުރިހާ ރައްޔިތުންނާއި ސިޔާސީ ލީޑަރުންނާއި ސިޔާސީ ޕާޓީތަކުން ޑރ. މުއިއްޒު ދިއްކޮށްލި އަތުގައި ހިފައިގެން ކުރިއަށް ދިއުމަށް އެދިވަޑައިގެންފައެވެ.
