ކުރިއަށް އޮތް އަހަރަށް ލަފާކުރާ ބަޖެޓުގެ މަސައްކަތްކުރެއްވުމަށް އިންތިހާބީ ރައީސް ޑރ. މުހައްމަދު މުއިއްޒުގެ ފަރާތްޕުޅުން ބަޖެޓު ކޮމެޓީ އެކުލަވާލައިފިއެވެ.
ޖުމްލަ 8 މެމްބަރުންގެ މައްޗަށް އެކުލަވާލި މި ކޮމެޓީގައި ދާއިރާގެ ތަޖުރިބާކާރު ބޭފުޅުން ވަނީ ހިމަނުއްވާފައެވެ.
އެގޮތުން ކޮމިޓީގައި ހިމެނިވަޑައިގަންނަވާ ބޭފުޅުންނަކީ މާވަށު ދާއިރާގެ މެންބަރު މުހައްމަދު ސައީދާއި ކުރީގެ ނައިބު ރައީސް އަބްދުﷲ ޖިހާދާއި ތ، ގުރައިދޫ ދާއިރާގެ މެންބަރު ޣައްސާން މައުމޫނާއި ކުރީގެ ޓޫރިޒަމް މިނިސްޓަރު މޫސާ ޒަމީރާއި ކުރީގެ ފިނޭންސް މިނިސްޓަރު އަހްމަދު މުނައްވަރާއި ކުރީގެ ގަވަރުނަރު އަހުމަދު ނަސީރާއި ކުރީގެ މިނިސްޓަރ އޮފް ސްޓޭޓް ފޯ އިކޮނޮމިކް ރިލޭޝަން މުހައްމަދު ލުއޭޒް އަދި ޕެންޝަން އޮފީހުގެ ކުރީގެ ބޯޑް މެންބަރު އަބްދުލްހަލީމް އަބްދުއްލަތީފްއެވެ.
އިންތިގާލީ މަރުހަލާގެ ތަރުޖަމާނު މުހައްމަދު ފިރުޒުލް ވިދާޅުވީ މި ކޮމިޓީ ޗެއަރގެ މަގާމަށް ހަމަޖައްސާފައިވަނީ މާވަށު ދާއިރާގެ މެންބަރު އަދި ކުރީގެ އިކޮނޮމިކް މިނިސްޓަރު މުހައްމަދު ސައީދު ކަމަށެވެ.
އަންނަ އަހަރަލަށް ލަފާކުރާ ދައުލަތުގެ ބަޖެޓުގެ ޖުމްލަ ސީދާ އަދަދު ނޭނގޭކަމަށް ފިރުޒުލް ވިދާޅުވިއެވެ. އެކަމަކު ފިނޭންސް މިނިސްޓްރީން ވަނީ އަންނަ އަހަރުގެ ދަުލަތުގެ ބަޖެޓު 50.6 ބިލިއަނަށް އަރާނެކަމަށް ލަފާކޮށްފައެވެ.
