މި އަހަރުގެ ފިތުރު ޒަކާތަށް ބޮލަކަށް ދައްކަން ޖެހޭ ފައިސާގެ އަދަދު މޯލްޑިވްސް ޒަކާތު ހައުސް އިން އާންމުކޮށްފި އެވެ.
މޯލްޑިވްސް ޒަކާތު ހައުސް އިން އާންމުކޮށްފައިވާ މައުލޫމާތައް ބަލާއިރު، އާންމުކޮށް ދިވެހިން ފިތުރު ޒަކާތް ދައްކާ ބާވަތްތަކުން ފައިސާގެ ގޮތުގައި ދައްކަން ޖެހޭ އަދަދު ފިޠުރު ޒަކާތުގެ ގޮތުގައި ނެރޭނީ އަހަރު ތެރޭގައި އެ ރަށެއްގައި ބަނޑުކެއުމުގެ ގޮތުގައި އާންމުކޮށް ކައިއުޅުނު ބާވަތަކުން 2.4 ކިލޯގެ އަގެވެ.
ރާއްޖަގައި އާންމުކޮށް ފިތުރު ޒަކާތް ދައްކަނީ 2.4 ކިލޯ ގޮވާމުގެ އަގަށްވާ ފައިސާއިންނެވެ
ފިތުރު ރޯދަ ޒަކާތަކީ ރޯދަ މަސް ނިމުމުގެ ކުރިން ދައްކަން ޖެހޭ އެއްޗެކެވެ. އަދި ފިތުރު ޒަކާތް ފިތުރު އީދު ދުވަހުގެ ކުރިން ބަހައި ނިންމަން ޖެހެ އެވެ. ފިތުރި ޒަކާތް ބަހަނީ ފަގީރުންނާއި މިސްކީނުންގެ ދަފުތަރުގައި ރަޖިސްޓްރީވާ ފަރާތްތަކަށެވެ.
ފިތުރު ޒަކާތަކީ، ކޮންމެ މުސްލިމަކު، ތިމާ އާއި، ތިމާ ހަރަދު ކުރަން ޖެހޭ މީހުން، އީދު ވިލޭރެ އާއި، އީދު ދުވަހު ކާނޭ ތަކެތި ހުރެފައި، އިތުރަށް ހުރި އެއްޗަކުން ތިމާ އާއި ތިމާ ހަރަދު ދިނުން ލާޒިމު އެންމެންގެ ފަރާތުން، ތިމާ ދިރިއުޅޭ މުޖުތަމައުގެ ފަގީރުންނަށް ދިނުން، ފަރުޟު ކުރައްވައިފައިވާ އެއްޗެކެވެ.
ފިތުރު ޒަކާތަކީ، ކޮންމެ މުސްލިމް ފިރިހެން އަންހެން، ކުދި ބޮޑު އެންމެންގެ މައްޗަށް ވެސް، ފަރުޟު ކުރައްވައިފައިވާ ކަމެކެވެ. މިކަން ބަޔާންކުރައްވާ، ރަސޫލުﷲ ސައްލަﷲ އަލައިހި ވަސައްލަމަ ހަދީސްފުޅު ކުރައްވައިފައިވާ ކަމަށް، (عَبْدُ الله إبْن عُمَر) ރިވާ ކުރައްވައިފައިވާ ބަސްފުޅެއްގެ މާނާގައިވެއެވެ.
