މާތްﷲ އެކަލޭގެފާނަށް ރުއްސުންލެއްވި އަބޫޛައްރުގެފާނުގެ ކިބައިން ރިވާވެގެންވެއެވެ. އެކަލޭގެފާނު ވިދާޅުވިއެވެ. ތިމަންނާއަށް ރަސޫލުﷲ صلّى اللّـه عليه وسلّم ޙަދީޘް ކުރެއްވިއެވެ.
[ﷲ ގެ ޙަޟްރަތުގައި އެންމެ ލޮބުވެތިކަން ބޮޑުވެގެންވާ ކަލިމައަކީ ކޮބައިން ކަލޭގެފާނަށް ވިދާޅުވެދެއްވަންތޯއެވެ؟ މާތްﷲ ގެ ޙަޟްރަތުގައި އެންމެ ލޮބުވެތިކަން ބޮޑުވެގެންވާ ކަލިމަތަކީ سُبْحَانَ اللَّهِ وَبِحَمْدِهِ އެވެ.] {އެބަހީ: ﷲ ގެ ހުސްޠާހިރުވަންތަކަމާއެވެ. އަދި ހުރިހާ ޙަމްދެއް މިލްކުވެވޮޑިގެންވަނީ އެކަލާނގެއަށެވެ.} {صحيح مسلم ، كتاب الذكر والدعاء والتوبة والاستغفار، باب فَضْلِ سُبْحَانَ اللَّهِ وَبِحَمْدِهِ ، ޙަދީޘް 2731}
{މި ޙަދީޘްގެ ދިވެހި ތަރުޖަމާ ނަކަލުކޮށްފައި އެވަނީ އިސްލާމިކް މިނިސްޓްރީން ޝާއިއުކޮށްފައިވާ [ރިޔާޟުއް ޞާލިޙީން] މި ފޮތުންނެވެ.}
