ވަރަށް ލޯބިން ކައިވެނިކޮށްގެން އުޅުނު ދެމަފިރިންނެވެ. އަނބިމީހާ ބުނާ ހުރިހައި ކަމެއް ފިރިމީހާ ކޮށްދެނީ ވަރަށް ލޯބިން އަދި އެހައިމެ އަވަހަށެވެ.
އެއްދުވަހެއްގެ މެންދުރު ފަހުގެ ވަގުތެވެ. ފިރިމީހާ އޮފީސް ނިންމާފައި ގެޔަށް އައި އިރު އަނބިމީހާ ފޮއްޓަށް ހެދުންތަށް އަޅައި ތައްޔާރު ވަނީ އެވެ. ރުޅި އައިސް ރަތްވެފައި ހުރިވަރުން ހީވަނީ ދެންމެ ދެންމެ ހުޅު ރޯވެދާނެ ހެނެވެ.
ފިރި މީހާ: ވަރަށް ހަމަޖެިލާފައި، އަނެއްކާ ކޮން ކަމެއް ލައިގަތީ ހެއްޔެވެ.؟
އަނބިމީހާ: މާކަ ގިނަ ވާހަކަ ތަކެއް ދައްކާނެ ކަމެއް ނެތެވެ. ކަލޭ އަހަރެން ވަރި ކުރީ މާ މޮޅުތަކެެއް ވާނެ ކަމަށް ހެއްޔެވެ.؟
ފިރި މީހާ: (ވަރަށް ޚައިރާން ވެފައި) އަހުރެން ތިބާ ވަރިކުރީ ކޮން އިރަކު ހެއްޔެވެ. އަދި މިއުޅެނީ ގެޔަށް އައިސް ބަހެއް ދެބަހެއް ބުނެ ނުލެވިގެންނެވެ.
އަނބި މީހާ: (ފޯނުން މެސެޖެއް ދައްކާފައި) މިއޮތީ ކަލޭ ފޮނުވި މެސެޖެއް ނޫން ހެއްޔެވެ؟ މީގައި މިއޮތީ ކީކޭ ހެއްޔެވެ؟
ފިރި މީހާ: ތިޔައީ އަހުރެން ފޮނުވި މެސެޖެއް ނޫނެވެ. ހެނދުން ފެށިގެން މިއުޅެނީ ފޯނު ގެއްލިގެންނެވެ. ވީނުވީ އެއް ނޭނގި ވަގަށް ގެންގޮސްފިއެވެ.
ކޮންމެ އަކަސް މިހިސާބަށް ކަންތައް ދިޔުމުން ފިރިމީހާ އޭނާގެ އަނހެނުންގެ ފޯނުން އޭނާގެ ފޯނަށް ގުޅަން ފެށިއެވެ. އެތައް ފަހަރަކު ގުޅުމުން ވަގުކަލޭގެ ފޯނު ނަގައިފިއެވެ.
ފިރި މީހާ: (ވަގުކަލޭގެ ފޯނު ނެގުމުން) ހެޔޮ ނުވާނެއެވެ. ތިޔަ ފޯނުވެސް ކަލެއަށެވެ. އެކަމަކު ބުނެބަލާށެވެ. ކަލޭ އަހުރެންގެ އަންހެނުންގެ ފޯނަށް ވަރިކޮށްފީމޭ ކިޔާފައި މެސެޖު ކުރީ ކީތްވެ ހެއްޔެވެ.؟
ވަގުކަލޭގެ: ސާހިބާއެވެ. އަހުރެންގެ ބޮލާ ނުކުޅަދާނަ ވީއެވެ. ނޭވާ ނުލެވުނީ އެވެ. އިރު އިރުކޮޅަ މެސެޖު ކުރަނީ އެވެ. ހަނޑޫ ކިލޯއެއް ގެންނާށެވެ. ފިޔާ ކިލޯއެއް ގެންނާށެވެ. ނެޕީ ބޮނޑިއެއް ގެންނާށެވެ. އެވެނި މިވެނި އެއްޗެއް ގަނެގެން އަންނާށެވެ. އެންމެ ފަހުން އަހުރެންނަށް ކެތްނުވެގެން އެގޮތަށް ކަންތައް ކުރަން ޖެހުނީއެވެ.
