ހިކުމަތްތެރިއަކު ބުނެފައިވެއެވެ. “ތިނޯހެއްގައި ރޮދިލައްވަން ތިބާގެ މުސްކުޅި މަންމަ ތިބާއާއި ހަވާލުކޮށްފި ނަމަ އެކަން ކުރުމުގައި ވަގުތުކޮޅެއް ހޭދަކޮށްލާށެވެ. އޭރުން އެމަންމަގެ މުސްކުޅިކަން އެ މަންމައަށް އެހާބޮޑަށް އިހުސާސް އެއް ނުކުރެވޭނެއެވެ.”
ދެންފަހެ މިދެންނެވި ފަދައިން ތިނޯހަކަށް ރޮދިލެއްވުމުގެ މަސައްކަތް ޒުވާން ފުރައިގެ އަންހެން ކުއްޖަކާއި ލައިގަތެވެ. އެކަނބުލޭގެ މަންމަ އޭނާއާއި ތިނޯހެއްގައި ރޮދިލައްވަން ހަވާލުކުރީއެވެ. އެހިނދު ކުއްލިޔަކަށް އެއްކަލަ ހިކުމަތްތެރިޔާގެ ބަސްކޮޅު އެ ޒުވާނާގެ ހަނދާނަށް އައެވެެ.
ވާލޯތްބެއްގެ ބޮޑުކަމުން މަންމައަށް އެމަންމަގެ މުސްކުޅިކަން އިހުސާސްވިޔަ ނުދިނުމަށްޓަކި ހިކުމަތްތެރިޔާ ބުނެފައިވާ ފަދައިން ތިނޯހަށް ރޮދި ލެއްވުމުގައި އެ ޒުވާނާ ވަގުތު ހޭދަކުރަންފެށިއެވެ. އެކަމަކީ އެކަނބުލޭގެއަށްވެސް ކުރަން އުނދަގޫ ކަމެއްކަން ދެއްކުމުގެ ގޮތުންނެވެ.
ނަމަވެސް މާގިނަ އިރުތަކެއް ނުވެ އެކަނބުލޭގެ ކަންފަތްމަށްޗަށް އެރީ ބާރު އެތިފަހަރެކެވެ. އެއަށްފަހު ރުޅިވެރިކަމާއި އެކު އެމަންމަ ބުނާއަޑު އިވެއެވެ..
“ރެޔާއި ދުވާލު ތިޔަ ފޯނެއްގައި ދެލޯ ޖަހައިގެން އޮތުމުގެ ސަބަބުން މިހާރު ތިޔަހުރީ ދެލޯކަނުވެފަ އެވެ.
