އިއްޔެ މުޅި މީސް މީޑީއާއާއި ރާއްޖޭގެ މީޑިއާތައް ފުރައިލި އެއް ޚަބަރަކީ ދިވެހި ފިލްމީ ތަރި އަދި ޓިކްޓޮކް ސްޓާ މަރިޔަމް ޝިފާ ބުރުގާ އެޅި ޚަބަރުންނެވެ.
ޝިފާ ފަދަ ތަރިއަކު ބުރުގާ އެޅި ޚަބަރު ވެގެން ދިޔައީ ގިނަ ބަޔަކަށް ޝޮކެއް ލިބުނު ކަމަކަށެވެ. ޚާއްސަކޮށް އޭނާއަކީ ކުރިން ވެސް ބުރުގާ އެޅި މީހަކަށް ވެފައި، ފަހުން ބުރުގާ ބާލައިގެން އުޅުމަށްފަހު މިހާރު އަނެއްކާ ވެސް ބުރުގާ އެޅުމުން އެއް ބަޔަކު ޝިފާއަށް ފާޑުކީ ނަމަވެސް، ޝިފާއަށް ހިތްވަރު ދިން މީހުން ވެސް އުޅެއެވެ.
ބައެއް މީޑިއާތަކަށް މައުލޫމާތު ދެމުން ޝިފާ ބުނި ގޮތުގައި، އޭނާ އަލުން ބުރުގާ އެޅީ އޭނާގެ މަންމަ ކައިރީގައި ބުރުގާ އަޅާނަމޭ ބުނެ ”ޕްރޮމިސް“ ކޮށްފައިވާތީއެވެ. އަދި މިފަހަރު ބުރުގާ އެޅީ ބާލަން ނޫން ކަމަށް ވެސް ޝިފާ ބުނެފައިވެއެވެ.
ޝިފާއަކީ ވެސް މިހާރު ފިލްމީ ތަރިއަކަށް ވުމުން، ބުރުގާ އެޅުމަށް ފަހު ވެސް އެކްޓިންގެ ދާއިރާ އިން ކުރިއަށް ދާނެ ތޯ ވެސް ޝިފާ ގާތު ވަނީ ސުވާލު ކޮށްފައެވެ. އެ ސުވާލަށް އޭނާ ބުނީ އެ ދާއިރާ އިން ކުރިއަށް ދާނެ ކަމަށާއި ނަމަވެސް ދެން ކޮންމެ ކޮންމެ ކެރެކްޓާއެއް ނުކުޅެވޭނެ ކަމަށެވެ.
އެއަށްފަހު ދެން އުފެދުނު ސުވާލަކީ ޝިފާ އަދިވެސް ޓިކްޓޮކް ކުޅޭނެތޯއެވެ. އޭގެ ޖަވާބު މިއަދު ޝިފާ މިވަނީ ޓިކްޓޮކަކުން ދީފައެވެ. ބުރުގާ ވެސް އަޅައިގެން ކުޅެފައިވާ ވީޑިއޯއެއްގައި ޝިފާ ނަށާތަން ވެސް ފެނެއެވެ.
ޝިފާގެ މި އަމަލުން އޭނާއަށް އެތައް ބައެއްގެ ފާޑު ކިޔުން ވަނީ އަމާޒުވެފައެވެ. އަދި ޝިފާބުނެފައިވަނީ އޭނާ ބުރުގާ އެޅީ މަންމަ ބުނެގެންކަމުގައެވެ.
ބައެއްފަރާތްތަކުން ކުރާ ސުވާލަކީ ޝިފާ ބުރުގާއެޅީ ”އަމާ ބުނީތީ ފަރަށްދާ އުސޫލުން“ ހެއްޔެވެ؟
ޝިފާ މިވަނީ ބުރުގާގެ ހުރުމަތް ކަނޑާލައި، ބުރުގާއަށް ޖޯކު ޖަހާފައި ކަމަށް ވެސް ބައެއް މީހުން ބުނެފައިވެއެވެ.
