މިހާރު ރާއްޖޭގައި ކުރިޔަށްދާ ސާފްޗެމްޕިއަންޝިޕް ފުޓްބޯޅަ މުބާރާތުގައި މާދަމާ ކުޅޭ ރާއްޖެ، ލަންކާ މެޗްގެ ޓީކެޓް ވިއްކުމުގައި މަކަރު ހަދާފައިވާކަމަށް ބުނެ ގަލޮޅު ދަނޑު ސަރަހައްދުގައި އާމުން މުޒާހަރާ ކުރަންފަށައިފިއެވެ.
މާއްދަމާގެ މެޗަށް ޓިކެޓް ހެނދުނު 10:00 ޖެހިއިރު ވިއްކަން ފަށާފައިވާއިރު، ގޮނޑިބަރީގެ ޓިކެޓް ގަންނަން ލިބެން ނެތްކަމަށްވެސް މުޒާހަރާގެ ބައިވެރިން އަންނަނީ ބުނަމުން. އަދި ޓިކެޓް ވިއްކުމަށް 40 ޓޯކެން ނަންބަރު ދޫކުރުމަށްފަހު 10 ވަރަކަށް މިނެޓް ތެރޭގައި ޓިކެޓް ހުސްވެއްޖެކަމަށް ބުނެ ކައުންޓަރ ބަންދު ކުރިކަމަށްވެސް މުޒާހަރާގެ ބައިވެރިން އަންނަނީ ބުނަމުންނެވެ.
”ޓިކެޓް ވިއްކަން އިން ކުއްޖާ ބުނީ ތިމަންނަޔާ ހަވާލުކރީ 500 ޓިކެޓް އޭ. އެ ފަސްސަތޭކަ ޓިކެޓް 15 މިނިޓް ތެރޭގައި ހުސްކޮށްފި އަޖައިބެއްނުމީ. ފުރަތަމަ ކަމަކަށް ޓިކެޓް ވިއްކަން ފެށިއިރުވެސް ގޮޑިބަރީގެ ޓީކެޓް ލިބޭކަށް ނެތް، މިއީ ޓީކެޓް އިން ވައްކަން ކުރުން“
https://mobile.twitter.com/tedmaldives/status/1446734781744484356
ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެމް) އިން ޓިކެޓު ވިއްކަން ކަނޑައަޅާފައިވާ އުސޫލުގެ ތެެރެއިން މީހަކަށް ގިނަވެގެން ވިއްކާނީ ފަސް ޓިކެެޓެެވެ. އެފްއޭއެމުން ބުނީ އެ ގޮތަށް ހަމަޖެހިފައިވީ ނަމަވެސް އެ ޓިކެޓަށް ދަނޑަށް ވަންނަ ކޮންމެ މީހެއްގެ ވެކްސިން ކާޑާއި، އައިޑީ ކާޑު ޓިކެޓު ގަންނަން އަންނަ މީހާ ގެންނަން ޖެހޭނެ ކަމަށެވެ. މި ގޮތަށް ހަމަޖެއްސީ ޓިކެޓަށް ދަނޑަށް ވަންނަ މީހަކީ ރައްކާތެރިކަމުގެ ފިޔަވަޅުތައް ކަށަވަރުކޮށްފައިވާ މީހަކަށް ހެދުމަށް ކަމަށް އެފްއޭއެމުން ކުރިން ބުނެފައިވެއެވެ.
