ދިވެހިންގެ ގިނަބަޔަކު ސަޕޯޓުކުރާ ޕޯޗުގަލް އިން ފީފާ ވޯލްޑް ކަޕަށް ގެންދިއުމަށް ހަމަޖެހިފައިވާ ސްކޮޑް އިއުލާން ކޮށްފި އެވެ.
މި މުބާރާތުގައި ވާދަކުރާ ވަރުގަދަ ޓީމުތަކުތެރޭގައި ހިމެނޭ ޕޯޗްގަލް ޓީމުގެ ކެޕްޓަން މަޝްހޫރު ކްރިސްޓިއާނޯ ރޮނާލްޑޯ އަކީ ދިވެހި ގިނަ އަދަދެއްގެ ޒުވާނުންގެ ހިތްތަކުގެ ރަސްގެފާނެވެ.
ކްރިސްޓިއާނޯ ރޮނާލްޑޯގެ ކެޕްޓަންކަމުގެ ދަށުން ޤަތަރު ވޯލްޑް ކަޕް 2022 ގައި ވާދަކުރާ ޕޯޗުގަލް ޓޯމުގައި ހިމެނޭ ސްކޮޑް ވަނީ ރޭގެ ވަގުތެއްގައި އިޢުލާން ކޮށްފަ އެވެ.
ޕޯޗުގަލް ސްކޮޑްގައި ހިމެނޭ ކީޕަރުންނަކީ ޑިއޭގޯ ކޮސްޓާއާއި، ރުއި ޕެޓްރީސިއޯ އަދި ހޯސޭސާ އެވެ.
ޑިފެންޑަރުންގެ ގޮތުގައި ސްކޮޑުގައި ހިމެނިފައިވަނީ ޖޮއާއޯ ކެންސަލޯއާއި ޑިއާގޯ ޑަލޮޓް، ޕެޕޭ، ރުބެން ޑިއަސް، ޑަނީލޯ ޕެރެއިރާ، އެންޓޯނިއޯ ސިލްވާ، ނޫނޯ މެންޑެޒް އަދި ރަފޭލް ގުއެއްރޭރިއޯ އެވެ.
މިޑްފީލްޑަރުންގެ ތެރޭގައި ވިލިއަމް، ރުބެން ނެވެސް، ޕަޅިންހާ، ބްރޫނޯ ފެނާންޑޭޒް، ވިޓިންހާ، އޮޓަވިއޯ، މެތިއުސް ނުނެޒް، ބާނާޑޯ ސިލްވާ، ޖޮއާއޯ މާރިއޯ ހިމެނެއެވެ.
ފޯވާޑުންގެ ގޮތުގައި ކްރިސްޓިއާނޯ ރޮނާލްޑޯ އާއި ޖޮއާއޯ ފެލިކްސް ގެ އިތުރުން ރަފޭލް ލިއާއޯ އާއި ރިކާޑޯ ހޯޓާ އަދި އަންދްރޭ ސިލްވާ އާއި ގޮންސާލޯ ރާމޮސް ހިމެނެ އެވެ.
ޕޯޗުގަލް ޓީމުގެ ކޯޗަކީ ފެނާންޑޯ ސަންތޯސް އެވެ.
2016 ވަނަ އަހަރުގެ ޔޫރޯ ފުޓްބޯޅަ މުބާރާތް ކާމިޔާބު ކުރިއިރު އެމުބާރާތުގެ ޒުވާން އެންމެ މޮޅު ކުޅުންތެރިޔާގެ މަޤާމު ޙާޞިލްކޮށްފައިވާ ހުނަރުވެރި މިޑްފީލްޑަރު ރެނާޓޯ ސަންޗޭޒް 25، 2022 ފީފާ ވޯލްޑް ކަޕްގެ ސްކޮޑުގައި ހިމެނިފައި ނެތުމީ ޕޯޗުގަލްގެ ސަޕޯޓަރުންގެ ހިތުގައި ސުވާލު އުފެދޭނެ ކަމެއްކަން ޔަޤީނެވެ.
ޤަތަރު ވޯލްޑް ކަޕް 2022 ގެ ގުރޫޕް އެޗް ގައި ހިމެނޭ ޕޯޗުގަލް ބައްދަލްކުރާނީ ދެކުނު ކޮރެޔާ، އުރުގުއޭ، އަދި ގާނާ އާއި އެވެ.
މި ހިނގާ ނޮވެމްބަރު މަހުގެ 20 ވަނަ ދުވަހުގެ ރޭ ކުލަގަދަ ރަސްމިއްޔާތަކާއިއެކު ގަތަރުގައި ފެށުމަށް ހަމަޖެހިފައިވާ ފީފާ ވޯލްޑް ކަޕަށް ދުނިޔޭގެ އެހެން ޤައުމުތަކާއި އެއްފަދައިން ދިވެހިރާއްޖެ އަންނަނީ ތައްޔާރުވަމުންނެވެ. ވޯލްޑް ކަޕް ފެށިގެން ނިމެނެދެން ކޮންމެ މުބާރާތެއްގައިވެސް ހުރިހައި މެޗެއް ޤަވާޢިދުން ބެލުމަކީ ދިވެހިންގެ އާދަކާދައިގެ ތެރޭގައި ހިމެނޭ ކަމެކެވެ
ފީފާ ވޯލްޑް ކަޕްގެ މެޗުތައް ބެލުތައް ބެލުމަށް ރާއްޖޭގެ ކަންކޮޅުތަކުގައި ބޮޑު ސްކްރީން ބަހައްޓައި ޖަހަތައް ގެންދަނީ ތައްޔާރު ކުރަމުންނެވެ.
ބައެއް ރަށްރަށުގައި ގޯތި ތެރެއާއި ޒުވާނުންގެ މަރުކަޒުކާއި ބޯޅަދަނޑުފަދަ ތަންތަނުގައި ބޮޑުސްކްރީން ބަހައްޓައިގެން ޖަގަހަތައް ތައްޔާރު ކުރަމުން އަންނައިރު ބައެއް ގޭގޭގެ ސިޓިންގ ރޫމްވެސް ސިނަމާއެއް ފަދައިން ގެންދަނީ ތައްޔާރު ކުރަމުންނެވެ.
