ޖަރުމަނުގައި ދިރިއުޅޭ އަރަބި ރައްޔިތަކު ބާޒާރަށް ދިޔަ އެވެ. އޭނާގެ ކާރު ބާޒާރުމަތީ ތަނެއްގައި ޕާކުކޮށްފައި ފިހާރައަކަށް ވަނެވެ.
ވިޔަފާރިކޮށް ނިންމާލުމަށްފަހު އޭނާ ކާރަށް އަރަން ދިޔައެވެ. ކަމަކުދާކަށް ނެތެވެ. އޭނާ ކާރަށް އަރަން ދިޔައިރު، ނުކުޅެދުންތެރިކަން ހުންނަ މީހުންނަށް ޚާއްޞަކޮށްފައިވާ ޕާކިންގް ޒޯނެއްގައި ޕާކުކުރެވިފައި އޮތުމުން ފުލުހުން އޮތީ ކާރުގެ ފުރޮޅުގައި ތަޅު އަޅުވާފައެވެ. އަދި (750 ޔޫރޯ) އިން ޖޫރިމަނާ ކޮށްފައެވެ.
އެހިނދު އޭނާ ކާރު ކައިރިއަށް ދިއުމުގެ ބަދަލުގައި ބޭސްފިހާރަޔަކަށް ދިޔައެވެ. ފިހާރައިގެ ސޭޓަށް 150 ޔޫރޯ ދީފައި ނުކުޅެދުންތެރިކަން ހުންނަ މީހުންނަށް ޚާއްޞަ ފުރޮޅުލީ ގޮނޑިއެއް، ގަތެވެ. އަދި އެ ގޮނޑީގައި އިނދެ ފިހާރައިގެ މީހާ ގާތު އަހަރެން ކާރާއި ހަމަޔަށް ގެނގޮސްދޭށޭ ބުންޏެވެ. އެވަގުތު އޭނާ ފުލުހުންނަށް ގުޅިއެވެ.
ފުލުހުން އެތަނަށް އައިސް އޭނާގެ ޙާލަތު ފެނުމުން އޭނާގެ ކިބައިން މައާފަށް އެދި ކާރުގައި އަޅުވާފައިވާ ތަޅު ނައްޓާލަ ދިނެވެ. އަދި އެކަމުގެ ބަދަލުގައި 2000 ޔޫރޯވެސް ފުލުހުން އޭނާ އަަށް ދިނެވެ.
އޭގެ ކުޑަ އިރުކޮޅެއްފަހުން އޭނާ އަނެއްކާވެސް އެނބުރި ބޭސްފިހާރައަށް ދިޔައެވެ. ފިހާރައިގެ ސޭޓާއި މުވައްޒަފުންގެ ކިބައިން މައާފަށް އެދި އެގޮނޑިއަކީ އޭނާގެ މަންމައަށް ކަމުދާ ގޮނޑިއެއް ނޫންކަމަށް ބުންޏެވެ.
މިތަނުގައި އުފެދޭ ސުވާލަކީ: މިއީ ކޮން ޤަޢުމެއްގެ ރައްޔިތެއް ހެއްޔެވެ.؟
