ޤާސިމް އިބްރާހީމްގެ ރަނިންމޭޓަކަށް ޑރ. އަމީން

އަންނަ ރިޔާސީ އިންތިޚާބުގައި ވާދަކުރައްވާނެކަމަށް އިޢުލާން ކޮށްފައިވާ މަޝްހޫރު ވިޔަފާރިވެރިޔާ އަދި މާމިގިލި ދާއިރާގެ މަޖިލިސް މެމްބަރު ޤާސިމް އިބްރާޙީމްގެ ރަނިންމޭޓަކަށް ޖުމްހޫރީ ޕާޓީގެ ޑެޕިއުޓީ ލީޑަރު ޑރ. އަމީން އިބްރާހީމް ހަމަޖައްސައިފިއެވެ.

ގާސިމް އިބްރާހީމްގެ ރަނިންމޭޓަކަށް އަމީން ހަމަޖައްސަވާފައިވާއިރު އެމަނިކުރާނުގެ ކެމްޕޭން އެޖެންޓަކަށް ހަމަޖައްސާފައި ވަނީ ކުރީގެ ޓޫވަރިޒަމް މިނިސްޓަރ ޢަލީ ވަޙީދު އެވެ. އަދި ދެކުނު ކެމްޕޭން މެނޭޖަރަކަށް ހަމަޖައްސަވާފައިވަނީ ޤާސިމްގެ ސްޕެޝަލް އެންވޯއީ އިލްހާމް އަހްމަދުއެވެ.

އަމީން އިބްރާހީމް އަކީ ސަރުކާރުގެ ތަފާތު މަޤާމުތަކުގެ އިތުރުން ރާއްޖޭގެ އެކި މީޑީއާ ތަކުގައި މަސައްކަތް ކުރައްވާފައިވާ ތަޖުރިބާކާރު ބޭފުޅެކެވެ. އަމީން ފުރުއްވާފައިވާ މަޤާޟުތަކުގެ ތެރޭގައި ޓްރާންޕޯޓް މިނިސްޓަރުކަމާއި ސަރުކާރުގެ ތަފާތު މަޤާމްތައް ފުރުއްވާފައި ބޭފުޅެކެވެ.އަންނަ ރިޔާސީ އިންތިޚާބަށް ވާދަކުރައްވާ ފަރާތްތަކުން ކެންޑިޑެންސީ ފޯމް ހުށަހެޅުމުގެ އެންމެ ފަހު ތާރީޚަކީ މާދަމާ ކަމަށް އިލެކްޝަންސް ކޮމިޝަންސް (އީސީ) އިން ހަމަޖައްސަވާފައިވާއިރު ޤާސިމް އިބްރާހީމްގެ ކެންޑީޑެންސީ ފޯމްވެސް މާދަމާ ހުށަހެޅުއްވުމަށް ވަނީ ނިންމަވާފައެވެ.