ކުރީގެ ރައީސް ޑރ. މުހައްމަދު ވަހީދާއި ކުރީގެ ފިޝަރީޒް މިނިސްޓަރ ޑރ. މުހައްމަދު ޝައިނީ ޖުމްހޫރީ ޕާޓީ (ޖޭޕީ) އަށް ސޮއި ކުރަައްވައިފިއެވެ.
އެ ދެ ބޭފުޅުން ޖޭޕީ އަށް ސޮއި ކުރެއްވީ މާމިގިލީގައި ބޭއްވި ހާއްސަ ހަފުލާއެއްގައެވެ.
ޖޭޕީގެ ކެންޑިޑޭޓް އަދި މާމިގިލީ ދާއިރާގެ މެމްބަރު ގާސިމް އިބްރާހިމްގެ ކެމްޕެއިން ލޯންޗުކުރުމަށް ބޭއްވި މި ރަސްމިއްޔާތުގައި ރައީސް ވަހީދު އާއި ޝައިނީގެ ފޯމާއި ހަވާލުވެވަޑައިގެންނެވީ ގާސިމް އެވެ.
ފާއިތުވި ދިހަވަރަކަށް އަހަރު ޕީޕީއެމްގައި ހުންނެވުމަށްފަހު ޑރ. ވަހީދު ޕީޕީއެމް އިން ވަކިވެވަޑައިގަތީ މި މަހުގެ ތެރޭގައެވެ.
ވަހީދު ވިދާޅުވެފައިވަނީ ވިދާޅުވެފައިވަނީ ޕީޕީއެމް އިން އިސްތިއުފާ ދެއްވީ ވަރަށް ބޮޑަށް ވިސްނެވުމަށް ކަމަށާއި މީގެ 10 އަހަރު ކުރިން ޕީޕީއެމްއާއި ގުޅިވަޑައިގެންނެވީ އެމަނިކުފާނުގެ ވެރިކަމުގައި ގާއިމް ކުރެއްވި ހަމަޖެހުމާއި ތަރައްޤީ ދެމެހެއްޓުމަށްޓަކައި ކަމަށެވެ.
އެ ޕްލޭންތައް މިހާތަނަށް ވެސް ދެމެހެއްޓިފައިވާތަން ފެންނަމުން ދާތީ އުފާ ކުރައްވާ ކަމަށާއި މިހާތަނަށް ވެސް ދެމެހެއްޓި، ރާއްޖޭގެ އިގްތިސާދާއި އަދި ޑިމޮކްރަސީ ކުރިއަރަމުންދާތަން ފެންނަމުން ދާތީ އުފާ ކުރައްވާ ކަމަށް ވެސް ޑރ. ވަޙީދު ވަނީ ވިދާޅުވެފައެވެ. އަދި ރަައްޔިތުންގެ ކުރިއެރުމާއި، ގައުމުގެ ކުރިއެރުމަށް އެމަނިކުފާނުގެ ތަޖުރިބާ ޙިއްސާ ކުރައްވަން ބޭނުފުޅުވަނީ ހަމަޖެހުމާއި، އިޚްލާސްތެރިކަމާއި، ތެދުވެރިކަން އޮތް ތަނެއްގައި ކަމަށް ވެސް ބަޔާނުގައި ވިދާޅުވެފައި ވެއެވެ.
