ބޯމަތިވަމުން އަންނަ ރައްޔިތުންގެ މަލިޖިސް 2024ގެ މަޑަވެލި ދާއިރާގެ ޕީޕީއެމް/ ޕީއެންސީ ޓިކެޓް ހޯދުމަށް ކެމްޕޭންކުރައްވަމުން ގެންދަވާ ހަމައެކަނި އަންހެން ކެންޑިޑޭޓަކީ ގދ.މަޑަވެލި ހަނީކޯމް، އާއިދާ އަބްދުލް ޙަކީމް އެވެ.
މަޑަވެލި ދާއިރާގެ ޕީޕީއެމް/ ޕީއެންސީ ޓިކެޓް ހޯދުމަށް މަސައްކަތް ކުރައްވަމުން ގެންދަވާ ފަރާތްތަކުގެ ތެރެއިން ހުރިހައި ގޮތަކުން ބެލިޔަސް މިކަމަށް އެންމެ ޤާބިލް ފަރާތަކީ އާއިދާ ޢަބްދުލް ޙަކީމް ކަމުގައި ދެންނެވުމަކީ ކުށަކަށް ނުވާނެ އެވެ.
ކޮންމެ ދާއިރާއަކުންވެސް ޤާނޫނު ހަދާ މަޖިލީހަކަށް އިންތިޚާބު ކުރަންވާނީ ކަމުގެ ހުނަރާއި އެކަމުގެ ލަޔާޤަތާއި ޤާބިލްކަން ހުންނަ ފަރާތެކެވެ. އެގޮތުން ބަލާއިރު މަޑަވެލި ދާއިރާއަށް ވާދަކުރައްވާ އާއިދާއަކީ ތަޢުލީމާއި ތަޖުރިބާގެ ގޮތުން ބަލާއިރު މިކަމަށް އެންމެ އެކަށީގެންވާ ކަނބަލެއްކަން ދާއިރާގެ ލޮބުވެތި ރައްޔިތުން އުފަލާއި އެކު ޤަބޫލުކުރާނެ ކަމާއިމެދު ޝައްކެއްނެތެވެ.
އާއިދާގެ ތަޢުލީމީ ފެންވަރަށް ބަލައިލާއިރު ރާއްޖޭގެ ޤައުމީ ޔުނިވާސިޓީއިން ނޫސްވެރިކަމުގެ ރޮނގުން ވަނީ ޑިޕްލޮމާ ޚާޞިލްލް ކުރައްވާފައެވެ. އަދި ނޫސްވެރިކަމުގެ ދާއިރާއިން މާސްޓާރސް ކިޔަވަމުން ގެންދަވާ އާއިދާ އަކީ ލަންކާގެ ލަންޑަން ބިޒްނަސް ސްކޫލުން އިނގިރޭސި ލޭންގްއޭޖުން ޑިޕްލޮމާ ޚާޞިލް ކުރައްވާފައިވާ ކަނބަލެކެވެ. މީގެ އިތުރުން ޓަފީސާ“ ނެޝަނަލް ސެޓިފައިޑް ލީޑަރޝިޕް ކޯސް އިން ސްޕޯޓްސް ފޯރ އޯލް ފުރިހަކޮށްފައިވާ އާއިދާ އަކީ ޤައުމީ ވޮލީބޯޅަ ރެފްރީ ކޯސްވެސް ފުރިހަމަ ކުރައްވާފައިވާ ތަޖުރިބާކާރު ކަނބަލެކެވެ.
ބައިނަލްއަގުވާމީ، ވީއައިއެސް އަދި އީ-ސްކޯރާ ކޯސް ފުރިހަމަ ކޮށްފައިވާ އާއިދާ އަކީ ދިވެހިރާއްޖޭގައި މިވަގުތު ހުރި ހަމައެކަނި އަންހެން(ވޮލީގެ) ބައިނަލްއަގުވާމީ ވީއައިއެސް އަދި އީ-ސްކޯރާ އެވެ.
މަސައްކަތާއި ހުނަރަށް ބަލާއިރު އާއިދާ އަކީ ނޫސްވެރިކަމުގެ ރޮނގުން ސިޔާސީ އަދި ކުޅިވަރުގެ ދާއިރާއިސް ފުންނާބު އުސް ނޫސްވެރިއެކެވެ. އަދި ޕްރޮގްރާމް ޕްރޮޑިއުސަރެއްވެސް މެއެވެ. މީގެ އިތުރުން އާއިދާއަކީ ޕްރޮގްރާމް ޕްރެސެންޓް ކުރުމުގެ ތަޖުރިބާ ލިބިލައްވާފައިވާ ހުނަރުވެރި ނޫސްވެރިއެކެވެ.
ނޫސްވއެރިކަމުގެ ދާއިރާއިން އާއިދާ މަސައްކަތަށް ބަލައިލާއިރު ދިޔަރެސް ނޫހުގެ ޖާނަލިސްޓްކަމާއި ޗެނަލް13ގެ ވީޑިއޯ ޖާނަލިސްޓް ކަން ފާހަގަ ކުރެވެއެވެ. އަދި ވަން އޮންލައިންގެ ސީނިއާ ޖާނަލިސްޓެއްގެ އިތުރުން ސަންޓިވީގެ އެސިސްޓެންޓް އެޑިޓަރ ކަމާއި މެންދުރު އޮންލައިންގެ ސީނިއަރ އެޑިޓަރ ކަން ކުރައްވާއިވާ އާއިދާ ވަނީ ނޫސްވެރިކަމުގެ ދާއިރާގައި 13 އަހަރު ހޭދަކުރައްވާފަ އެވެ. މީގެ އިތުރުން ފުޓުބޯޅަ އެސޯސިއޭޝަންގެ ”ވުމަންސް ފުޓްބޯލް ޑިވެލޮޕްމަންޓް އޮފިސަރ” ގެ މަޤާމުވެސް އާއިދާ ވަނީ ފުރުއްވާފައެވެ.
ކުޅިވަރުގެ ދާއިރާއިންވެސް އާއިދާއަކީ ފާހަގަކޮށްލެވޭ ކުޅުންތެރިއެކެވެ. ރާއްޖޭގައި ފާހަގަކޮށްލެވޭ ހޭންޑްބޯލް ކުޅުންތެރިއެކެވެ. އަދި ދިވެހިރާއްޖޭގެ ޤައުމީ އަންހެން ފުޓުބޯޅަ ޓީމުގެ ކުރީގެ ކުޅުންތެރިއެއްގެ އިތުރުން ކުރީގެ ވޮލީ ކުޅުންތެރިއެއްވެސް މެއެވެ. 
މީގެ އިތުރުން އެސްޕިރޭޝަން ފޯރ އޯލް އިނިޝިއޭޓިވް ސްޕޯޓްސްގެ ރައީސާ އަދި މުއައްސިސް ކަންވެސް މި ފުރުޞަތުގައި ފާގަކޮށްލަމެވެ.
އާއިދާ އަކީ ވޮލީ ރެފްރީސް ކޮމިޝަންގެ ކުރީގެ މެމްބަރެކެވެ. އަދި ޖޫނިއަރ ޤައުމީ އަންހެން ވޮލީ ޓީމް އަދި ޤައުމީ އަންހެން ފުޓުބޯޅަ ޓީމުގައި މަސައްކަތް ކުރައްވާފައިވާ ހުނަރުވެރި އާއިދާ އަކީ ނޫސްވެރިކަމާއި ކުޅިވަރުގެ ޙަރަކާތްތަކުގެ އިތުރުން ސިޔާސީ ދާއިރާގައި ޕީޕީއެމްގެ މެމްބަރެއްގެ ގޮތުގައި ދެގޮތެއްނުވެ 12 އަހަރު ދުވަހުގެ ދިގު ރާއްތާއެއް ހޭދަކުރައްވާފައިވާ ފުންނާބު އުސް ކަނބަލެއްކަން ފާހަގަކުރެވެއެވެ.
