ދަރިފުޅާއެކު ހީ އުޅުނު އެހަނދާން ވުމުން އުފަލެއްވެޔޭ
ދަރިފުޅާ ބައްދަލު ވުމަށް ބޭނުން ވެޔޭ ކެތްމަދުވެޔޭ
ފިކުރު ބޮޑުވޭ ހާދަހާ ދޫންޏާ މިއަދު ދުރުގައިވުމުން
މިކުރަމުންދާ ފުން އަސަރުތައް ބައްޕަ ހިތްދަތި ކުރުވަޔޭ
ޚަބަރު ހޯދޭ ރޭދުވާ އުއްމީދަކީ ތިޔަ ދަރިފުޅޭ
އަބަދުވެސް ތި ޚިޔާލުތައް ސިކުނޑީތެރޭ ފުނިޖެހިވެޔޭ
ވާށެވީ މޮޅު ކުއްޖަކަށް ޢަޒުމާއެކީ ކެތްތެރިވެގެން
ވާށެވީ ޘާބިތު ނިކަން ހިތްވަރުކުރޭ ފައިދާވެޔޭ
ކުނިވެގެން ފަސްގަނޑުދޮށަށްދިޔުމުގެކުރިން ބުނެލަން އިނގޭ
ދުުނިޔެކަންމީީ ދަނެ މިތާ ޢަަމަލުުން މެ ދައްކަންވާނެޔޭ
އުނިނުވާ ހެޔޮ ޢަމަލުގައި ފަސްނުޖެހި ވާށޭ ދަރިފުޅާ
ދުނިޔެ ދައްކާ ދަޅަތަކަށް ގޮސް ހެއްލިގެން ގެއްލުންވެޔޭ
ހިތުތެރޭގައި ފޮރުވިގެން ސިއްރުން މިކަން ރައްކާކުރޭ
ހިތުތެރޭން ދުވަހަކު މިކަން ނައްތާނުލައްޗޭ ބުނެވެޔޭ
ބައްޕަ ބުނިބަސް އަޑުއަހާ ދެގޮތެއްނުވައްޗޭ ދަރިފުޅާ
ބައްޕަ މިތަނުން ވަކިވެދިޔަޔަސް މިބުނިބަސް މަންފާވެޔޭ
