ކިރަކީ ހަށިގަނޑަށް ބޭނުންވާ ގިނަ މާއްދާތައް އެކުލެވޭ ފައިދާހުރި ބުއިމެކެވެ. ކޮންމެ ދުވަހަކު ހެދުނު ކިރު ބުއިމަކީ ދިވެހިންގެ ވެސް އާދައަކަށްވަނީ ވެފައެވެ. އެހެންނަމަވެސް މިއީ އެހާ ރަނގަޅު ކަމެއް ނޫންކަމަށް ދިރާސާތަކުން ދައްކައިފިއެވެ.
ޚާއްޞަކޮށް އަންހެނުން ކޮންމެ ދުވަހަކު ޤަވާއިދުން ކިރު ބޯނަމަ އުރަމަތީގެ ކެންސަރު ފަދަ ބަލިތަކަށް ހުށަހެޅިގެންދެއެވެ. ޤަވާއިދުން ކިރު ބުއިމުން އުރަމަތީ ކެންސަރު ޖެހުމުގެ ފުރުޞަތު 80 ޕަސެންޓް އިތުރުވާކަމަށް މިދިރާސާއިން ދައްކައިފިއެވެ.
އެމެރިކާގެ ޑައެޓަރީ ގައިޑްލައިންސް ބުނާ ގޮތުގައި އަންހެނުން ދުވާލަކު ތިން ތަށި ކިރު ބޯން ޖެހެއެވެ. ނަމަވެސް ކެލިފޯނިއާގެ ލޯމާ ލިންޑާ ޔުނިވާސިޓީން ކުރި ދިރާސާއިން ދައްކާ ގޮތުގައި މިއީ އެހާ ރަނގަޅު ކަމެއްނޫނެވެ.
ކެލިފޯނިއާގެ ލޯމާ ލިންޑާ ޔުނިވާސިޓީގެ ދިރާސާއިން ދައްކާ ގޮތުގައި ދުވާލަކަށް 240 އެމްއެލް ކިރު ބޯނަމަ ކެންސަރު ޖެހުމުގެ ފުރުޞަތު 50 ޕަސެންޓް، ދުވާލެއްގެ މައްޗަށް ކިރުތައްޓެއްގެ ދެބައިކުޅަ އެއްބައި ބޯނަމަ 30 ޕަސެންޓް ފުރުޞަތު އޮވެއެވެ. އެހެން ކަމުން ދުވާލަކަށް ތިންތަށި ކިރު ބޮއެފިނަމަ 80 ޕަސެންޓް ކެންސަރު ޖެހުމުގެ ފުރުޞަތު އޮންނާނެއެވެ.
ކިރުގައި ހުންނަ ހޯމޯނެއްގެ ސަބަބުން ކެންސަރު ޖެހުމަށް މަގުފަހިވާކަމަށް ސައިންޓިސްޓުން ވަނީ ހާމަކޮށްފައެވެ.
