ދިވެހިރާއްޖޭޣ ޤައުމީ ބޭންކް، ބޭންކް އޮފް މޯލްޑިވްސް (ބީއެމްއެލް) އިން މާދަމާއިން ފެށިގެން ޚިދުމަތްދޭ ދުވަސްތަކަށް ބަދަލު ގެނައުމަށް އެ ބޭންކް އިން ނިންމައިފިއެވެ.
ބީއެމްއެލް އިން މި ބަދަލު ގެނައުމަށް ނިންމައިފައިވަނީ މާދަމާއިން ފެށިގެން މިމަހުގެ 20 ވަނަ ދުވަހުގެ ނިޔަލަށެވެ. ބީއެމްއެލް އިން ހާމަކުރެއްވި ގޮތުގައި މާދަމާއިން ފެށިގެން ޚިދުމަތްދޭ ދުވަސްތައް ތިންދުވަހަށް އިތުރު ކުރުމަށް ވަނީ ނިންމާފަ އެވެ.
މިމަހުގެ ފަސްވަނަ ދުވަހުން ފެށިގެން މިއަދުގެ ނިޔަލަށް ބީއެމްއެލް އިން ހިދުމަތް ދެމުން އައިސްފައިވަނީ ދެދުވަހު އެވެ. އަލަށް ގެނެވުނު ބަދަލާއެކު ބީއެމްއެލްގެ ބުރާންޗް ތަކާއި ސާރވިސް ސެންޓަރުތައް ހުޅުވިފައި ހުއްނަ ދުވަހުގެ އަދަދު ވަނީ ތިންދުވަހަށް އިތުރު ކޮށްފައެވެ. މި ތިންދުވަހަކީ ހޯމަ، އަންގާރަ، އަދި ބުރާސްފަތި ދުވަހެވެ.
ކުރިއެކޭ އެއްގޮތަށް މި ތިންދުވަހުވެސް ހިދުމަތްދިނުމަށް ހަމަޖެހިފައިވަނީ އެއް ވަގުތެއްގައެވެ. އެއީ ހެނދުނު 9:30 އިން މެންދުރު 12:00 އަށެވެ. މީގެއިތުރުން އެކައުންޓް އޯޕަނިންގް ސެންޓަރާއި ލޯން ސެންޓަރު އަދި ބިޒްނެސް ސެންޓަރުތަކުން ހިދުމަތް ދިނުމަށް ހަމަޖެހިފައިވަނީ އެޕޮއިންޓްމެންޓަށް ކަމަށްވެސް ބީއެމްއެލްއިން މައުލޫމާތު ދެއްވަ އެވެ.
