ރިޔާސީ އިންތިޚާބުގައި ދެއްކެވި ހުރިހައި ވާހަކަ އަކާއި ވެ ވަޑައިގެންނެވި ހުރިހައި ވަޢުދެއް ހިމެނޭ ގޮތަށް ފޮތެއް ނެރުއްވަން ނިންމަވާފައިވާކަމުގައި އިންތިޚާބީ ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ވިދާޅުވެއްޖެ އެވެ. އެމަނިކުފާނު މިހެން ވިދާޅުވީ ”ނޫސްވެރިންގެ ގުންޒަރު“ގެ ނަމުގައި ނޫށްވެރިންނާއި ބައްދަލުކުރެއްވުމަށް ބޭއްވި ރަސްމިއްޔާތުގައި ވާހަކަފުޅު ދައްކަވަމުންނެވެ.
މި ރސްމިއްޔާތުގައި ވާހަކަފުޅު ދައްކަވަމުން ޑރ. މުޢިއްޒު ވިދާޅުވީ ރިޔާސީ އިންތިޚާބުގެ ކެމްޕޭނުގައި ރާއްޖޭގެ ވަރަށް ގިނަ ރަށްރަށް ދަތުރުކުރައްވައި ރައްޔިތުންނާއި ބައްދަލްކޮށް ވަރަށް ގިނަ ވާހަކަފުޅު ދެއްކެވުނު ކަމުގައެވެ. އަދި އެމަނިކުފާނު ދެއްކެވި ވާހަކަފުޅުތަކަކީ ދައްކަން ބޭނުންފުޅުވެގެން ދެއްކެވި ވާހަކަފުޅުތަކެއް ކަމަށްވެސް ޑރ. މުޢިއްޒު ވިދާޅުވި އެވެ.
އެމަނިކުފާނު ވިދާޅުވީ ރާއްޖޭގެ ރައްޔިތުންނަށް ވަރަށް ގިނަ ވަޢުދު ވެވަޑައިގެންނެވި ކަމަށާއި، އެ ވަޢުދުތައް ވެ ވަޑައިގެންނެވީ ފުއްދައި ދެވޭނެކަމުގެ ޔަޤީންކަން އޮތުމުން ކަމުގައެވެ. އަދި އެ ވަޢުދުތައް ވަޢުދުތައް ފުއްދަވައިދެއްވާނެ ކަމުގެ ޔަޤީންކަން ރޭގެ ރަސްމިއްޔާތުގައިވެސް އިންތިޚާބީ ރައީސުލްޖުމްހޫރިއްޔާ ޑރ. މުޢީއްޒު ވަނީ ރައްޔިތުންނަށް ދެއްވާފަ އެވެ.
އެމަނިކުފާނު ވިދާޅުވީ ރިޔާސީ އިންތިޚާބުގެ ކެމްޕޭނުގެ ފުރަތަމަ ޖަލްސާއިން ފެށިގެން ރޭގެ ބައްދަލުވުމުގައި ދެއްކެވި ވާހަކަފުޅާއި ހަމައަށް އެމަނިކުފާނު ދެއްކެވި ހުރިހައި ވާހަކަފުޅަކާއި ވެވަޑައިގެންނެވި ހުރިހައި ވަޢުދެއް ހިމެނޭ ގޮތަށް އަކުރުން އަކުރަށް ލިޔުއްވައި ފޮތެެއް ނެރުނަވަން ނިންމަވާފައިވާކަމުގަ އެވެ.
މިގޮތަށް މިކަން ކުރުމުގެ ބޭނުމަކީ ޑރ. މުޢިއްޒުގެ ސަރުކާރަކީ ދެފުށްފެންނަ ވަޢުދު ފުއްދައިދޭނެ އަދި ނޫސްވެރިންނާ ގާތްގުޅުމެއްބާއްވާ ސަރުކާރެއްކަން ރައްތިތުންނަށް ޔަޤީންކޮށް ދިނުމުގެ ގޮތުން ކަމަށްވެސް އެމަނިކުފާނު ވިދާޅުވި އެވެ.
ރޭގެ ބައްދަލުވުމުގައި ނޫސްވެރިންނާއި މުޚާތަބު ކުރައްވާ އިންތިހާބީ ރައީސް ވަނީ 17 ނޮވެމްބަރުގައި ވެރިކަމާއި ޙަވާލުވާ އާ ސަރުކާރަކީ ނޫސްވެރިންނާއި އެކީގައި ނޫސްވެރިންގެ ހުރިހާ ސުވާލު ތަކަށް ޖަވާބުދާރިވާ އަދި ހުރިހާ މައުލޫމާތު ތަކެއް ފޯރުކޮށްދޭނެ ސަރުކާރަކަށް ވެގެންދާނެކަމުގެ ޔަޤީންކަން އަރުވާފަ އެވެ.
ނޫސްވެރިންގެ ގުންޒަރުގައި ބައެއް ނޫސްވެރިން ވަނީ ނޫސްވެރިކަމުގައި ދިމާވާ ގޮންޖެހުން ތަކާއި ނޫސްވެރިކަން ކުރިއެރުވުމަށް ރާއްޖޭގެ އެކި އެކި ވުޒާރާތަކާއި ކުންފުނިތަކުން ކޮށްދެވެން ހުރި ކަންކަން ހިއްބާކުރައްވަމުން ތަފާތު ޚިޔާލުތައް ފާޅުކުރައްވާފަ އެވެ.
