އެމްޑީޕީގެ ކޮންމެ ވެރިކަމަކުން މިނިވަންކަމަށް ނުރައްކާވާކަމަށް ޑރ މުހައްމަދު ޖަމީލް އަޙްމަދު ވިދާޅުވެއްޖެއެވެ.
ޑރ ޖަމީލް މިހެން ވިދާޅުވީ ރައީސް ނަޝީދު އެނބުރި މާލެ ވަޑައިގެން، ބޭރުގެ ސިފައިން ރާއްޖޭގައި ތިބުމަކީ މައްސަލައެއް ނޫންކަމަށް ވިދާޅުވުމާއި ގުޅިގެންނެވެ.
ޖަމީލު ކުރެއްވި ޓްވީޓެއްގައި އެމްޑީޕީ ވެރިކަމަށް އައި ދެފަހަރަށް އިޝާރާތް ކުރައްވާ ވިދާޅުވީ ޖީއެމްއާރަށް އެއާޕޯޓް ވިއްކާ ރައްޔިތުންނަށް އަނިޔާދިންކަމަށެވެ. އަދި މިހާރު ރާއީސް ނަޝީދު އާއި ރައީސް އިބްރާހިމް މުހައްމަދު ސޯލީހް ވަނީ ގައުމަށް ގައްދާރުވެފައިކަމަށާ، މި ފަދަވެރިކަން ނިންމަން ޖެހޭކަމަށެވެ.
”އެމްޑީޕީގެ ކޮންމެ ވެރިކަމަކުން މިނިވަންކަމަށް ނުަރައްކާވޭ، ޖީއެމްއާރަށް އެއާޕޯޓް ވިއްކާ ރައްޔިތުންނަށް އަނިޔާދިން. އަިބްރާހިމް މުހައްމަދު ސޯލިހާއި މުހައްމަދު ނަޝީދު ވަނީ ޤައުމަށް ޤައްދާރުވެފަ. ބޭރުގެ ސިފައިންނަށް ރާއްޖޭގައި ނުތިބެވޭނެ. އެފަދަ ވެރިކަންވެސް ނިންމަންޖެހޭ“ :ޑރ. މުހައްމަދު ޖަމީލު އަޙްމަދު
މިވެރިކަމުގައި އިންޑިއާ ސިފައިންނަށް ބޭސްތައް ހެދުމަށް ރާއްޖެއިން ރަށްތައްދޫކުރުމަށް ސަރުކާރުން އުޅޭކަމަށް އިދިކޮޅު ކޯލިޝަނުން އަންނަނީ ތުހުމަތު ކުރަމުންނެވެ. އަދި ޚާއްސަކޮށް އިންޑިއާ އާއި މި ސަރުކާރުން ސިއްރު ގުޅުންތަކެއް އޮންނަކަމަށްވެސް އިދިކޮޅު ފަރާތްތަކުން އަންނަނީ ތުހުމަތު ކުރަމުންނެވެ.
