ދަ ޑިމޮކްރެޓްސްގެ ރިޔާސީ ކެމްޑިޑޭޓް އިލިޔާސް ލަބީބް— ފޮޓޯ/އަވަސް އާއި އެމަނިކުފާނުގެ ރަނިންމޭޓް ޙޫސައިން އަމްރުގެ ކެންޑިޑެސީ ފޯމު އިލްކްޝަންސް ކޮމިޝަންސް (އީސީ) އިން ބަލައިގަނެފައިވާކަމަށް އެކޮމިޝަނުން ހާމަކުރައްވައިފި އެވެ.
އީސީން ހާމަކުރެއްވި ގޮތުގައި 2023 ސެޕްޓެމްބަރ 9 ވާ ހޮނިހިރު ދުވަހު ބާއްވާ، ރިޔާސީ އިންތިޚާބުގައި، ދަ ޑިމޮކްރެޓްސް ގެ ފަރާތުން، ރިޔާސީ އިންތިޚާބަށް އިއްޔެ ކުރިމަތި ލެއްވި، އޮނަރަބަލް އިލްޔާސް ލަބީބު ގެ ފޯމުގައިވާ މަޢުލޫމާތާއި ތަކެތި، އިލެކްޝަންސް ކޮމިޝަނުގެ ފަރާތުން، ބަލައި ޗެކްކުރިއިރު، ޤާނޫނުގައިވާ ގޮތުގެ މަތީން، އޮނަރަބްލް އިލްޔާސް ލަބީބު، ރިޔާސީ އިންތިޚާބަށް ޝަރުޠު ހަމަވާ ބޭފުޅެއްކަމުގައި ބަލައި، ހުށަހެޅުއްވި ހުށަހެޅުއްވުން އިލެކްޝަންސް ކޮމިޝަނުން މިއަދު ހެދުނު ޤަބޫލު ކުރައްވާފައިވާކަމަށްވެސް އެކޮމިޝަނުން ހާމަކުރައްވަ އެވެ.
ދަ ޑިމޮކްރެޓްސްގެ ރިޔާސީ ކެންޑިޑޭޓް އިލިޔާސް ލަބީބް އީސީ އަށް ފޯމް ހުށަހަޅުއްވާފައިވަނީ މިކަމަށްޓަކައި ދަރުބާރުގޭގައި ބޭއްވި ރަސްމިއްޔާތެއްގަ އެވެ. މި ރަސްމިއްޔާތުގައި އީސީގެ ފަރާތުން އިލިޔާސްގެ ފޯމާ ޙަވާލުވެވަޑައިގެންނެވީ އީސީގެ ރައީސް ފުއާދު ތައުފީޤް އެވެ. މި ރަސްމިއްޔާތުގައި ދަ ޑިމޮކްރެޓްސްގެ ރިޔާސީ ކެނޑިޑޭޓް އިލްޔާސް ލަބީބްގެ އަރިހުގައި އެމަނިކުފާނުގެ ރަނިންމޭޓު އަދި ކުރީގެ އެސްޓީއޯގެ މެނޭޖިންގ ޑިރެކްޓަރ ޙުސައިން އަމްރު ބައިވެރިވެވަޑައިގެންނެވިއެވެ.
އަންނަ ސެޕްޓެންބަރު މަހު 9 ވަނަ ދުވަހު ބޭއްވުމަށް ހަމަޖެހިފައިވާ ރިޔާސީ އިންތިކާބުގައި ވާދަކުރުމުގެ ފުރުޞަތު މިއަދު މެންދުރު 2:00 ގައި ހަމަވާނެއެވެ.
ރިޔާސީ އިންތިޚާބުގައި ވާދަކުރެއްވުމަށް މިހާތަނަށް ކެންޑިޑެންސީ ފޯމު ހުށަހަޅުއްވާފައިވަނީ ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙްއި، އިދިކޮޅު އިއްތިހާދުގެ ކެންޑިޑޭޓު ޑރ. މުޙައްމަދު މުޢިއްޒްއާއި، ޖުމްހޫރީ ޕާޓީގެ ކެންޑިޑޭޓު ޤާސިމް އިބްރާހީމްއާއި އެމްއެންޕީގެ ކެންޑިޑޭޓު ކާނަލް ރިޓަޔާޑް މުޙައްމަދު ނާޒިމް އެވެ.
ރިޔާސީ އިންތިޚާބުގައި ވާދަކުރައްވާދަކުރައްވާނެ ކަމަށް އިޢުލާން ކުރައްވާފައިވާ ބޭފުޅޫންގެ ތެރެއިން ޢުމަރު ނަޞީރު އާއި އަޙްމަދު އާތިފް، އަދި ފާރިޝް މައުމޫންގެ ކެންޑިޑެންސީ ފޯމް އީސީއަށް ހުށަހެޅުއްވިކަން އަދި މިހާތަނަށް އީސީން ހާމަކުރައްވާފަ އެއް ނުވެއެވެ.
