އަތޮޅު ކައުންސިލް ތަކުން ލޯކަލް ގަވަރމަންޓް އޮތޯރިޓީގެ ބޯޑަށް އައްޔަންކުރާ އެމްޑީޕީ މެންބަރުގެ ގޮތުގައި މެންބަރު ކަނޑައެޅުމަށް ނޫނު އަތޮޅު ކައުންސިލްގެ ރައީސް މުޙައްމަދު ބަޝީރު (ބައްޓޭ) އައްޔަން ކުރުމަށް އެމްޑީޕީ އިން ނިންމައިފި އެވެ.
އަތޮޅު ކައުންސިލް ތަކުން ލޯކަލް ގަވަރމަންޓް އޮތޯރިޓީގެ ބޯޑަށް އައްޔަންކުރާ މެންބަރު ކަނޑައެޅުމަށް ޒޫމް މެދުވެރިކޮށް އެމްޑީޕީގެ ސެކްރެޓޭރިއެޓް އާއި ޕާޓީ އަށް ނިސްބަތްވާ އަތޮޅު ކައުންސިލަރުންނާއި އެކު 23 މެއި 2021 ވީ އާދިއްތަ ދުވަހުގެ ރޭ ބޭއްވި ބައްދަލުވުމުގައި ނިންމާފައިވަނީ ނޫނު އަތޮޅު ކައުންސިލް ރައީސް މުޙައްމަދު ބަޝީރު އައްޔަން ކުރުމަށެވެ.
މި ބައްދަލު ވުމުގައި މުޙައްމަދު ބަޝީރު އެލް.ޖީ.އޭގެ ބޯޑަށް އައްޔަން ކުރުމަށް ނިންމެވީ ބައްދަލުވުމުގައި ބައިވެރިވެވަޑައިގެންނެވި ޖުމްލަ 11 އަތޮޅު ކައުންސިލް ރައީސުންގެ އިއްތިފާޤުންނެވެ.
