ކުށް ކުރާ މީހުން އިޞްލާޙުކޮށް އަލުން މި މުޖުތަމަޢުއަށް އަނބުރާ ގެންނާނޭ ކަމަށް މިފަހަރުގެ ރިޔާސީ ރޭހުގައި އަމިއްލަ ގޮތުން ވާދަކުރައްވާ ކުރީގެ ރައީށް އަލްއުސްތާޒް މައުމޫން ޢަބްދުލްޤައްޔޫމްގެ ދަރިކަލުން ފާރިޝް މައުމޫން ވައުދުވެވަޑައިގެންފި އެވެ.
ރިޔާސީ ކެމްޕެއިން ރަސްމީކޮށް ލޯންޗުކުރެއްވުމަށް ރޭ ސަލްޓަންޕާކްގައި ބޭއްވި ރަސްމިއްޔާތުގައި ފާރިޝްގެ މެނިފެސްޓޯ ރަސްމީކޮށް ލޯންޗްކުރެއްވިއިރު، އެ މެނިފެންސްޓޯގައި ހިމަނައި، ވައުދުވެވަޑައިގެންފައިވާ ކަންތައްތަކުގެ ތެރޭގައި ކުށްކުރާ މީހުން އިޞްލާހުކޮށް އަލުން އަނބުރާ މުޖުތަމަޢުއަށް ގެނައުން ހިމެނެއެވެ.
ރޭ ސަލްޓަންޕާކްގައި ބޭއްވި ރަސްމިއްޔާތެއްގައި ފާރިސްގެ ރިޔާސީ ކެމްޕެއިން ރަސްމީކޮށް ވަނީ ލޯންޗްކުރައްވާފައެެވެ. މި ރަސްމިއްޔާތުގައި އެމަނިކުފާނުގެ ބައްޕާފުޅު ކުރީގެ ރައިސް މައުމޫން އަބްދުލްޤައްޔޫމްއާއި މަންމާފުޅު ނަސްރީނާ އިބްރާހީމްވެސް ބައިވެރިވެވަޑައިގެންނެވިއެވެ.
ފާރިސްގެ ކެމްޕެއިން ލޯންޗްކޮށްދެއްވީ ފާރިސް އާއި އެމަނިކުފާނުގެ ރަނިންމޭޓަކަށް ހަމަޖައްސާފައިވާ ޑރ. އަބްދުއް ސައްތާރު ޔޫސުފްއެވެ.
ފާރިޝްގެ މެނިފެސްޓޯގެ ތެރެއިން ކުށް ކުރާ މީހުން އިސްލާހް ކޮށް އަނބުރާ ގެއުން
- މަސްތުވާތަކެތީގެ ރިހެބް، ނަފްސާނީ، ސިއްހީ ފަރުވާ އަދި ޖަލުގައި ހުކުމް ތަންފީޒުކޮށް ބޭރަށް ބަދަލުވާ މީހުންނަށް ރަނގަޅުވުމަށް އެހީތެރިވެދޭ ދިރިއުޅުމުގެ މަހައުލެއް ހެދުމަށް ހާފްވޭ ހައުސްތައް އެޅުން
- – އަންހެނުންނަށް ހާއްސަ ރިހެބިލިޓޭޝަން ސެންޓަރުތައް އެޅުން ހިމެނެ އެވެ.
